Voś 7 prostych łajfchakaŭ, dziakujučy jakim vaša santechnika budzie bliščeć kožny dzień

Haračaja vada

Pierad tym, jak pačynać čyścić vannu ci rakavinu, pramyjcie ich haračaj vadoj. Dziakujučy hetamu vy pavysicie tempieraturu ich pavierchni, i chatniaja chimija budzie lepiej spraŭlacca z brudam. Pry hetym vy na toj ža vynik vytracicie mienš srodkaŭ dla prybirańnia, sekanomicie i čas, i hrošy.

Pralny parašok — dla vanny

Kali vy myjecie vannu raz na tydzień, to za tydzień na joj źbirajecca niamała brudu. Łajfchak: kali vy prymajecie vannu, nie spuskajcie vadu adrazu, a sypnicie ŭ jaje trochi pralnaha parašku.

Pačakajcie hadzinu, potym spuścicie vadu i apałaśnicie ścienki vanny vadoj — vy pabačycie, što jany buduć bliščeć i na ich nie budzie brudnych adkładańniaŭ. Kali rehularna rabić takuju praceduru, bolš nie pryjdziecca adskrabać z vanny zasochły brud.

Myjcie dušavyja štorki ŭ pralnaj mašynie

Admyć ich hubkaj vielmi jak niaprosta. Ale jość nadziejny sposab heta zrabić: prosta pakładzicie štorku ŭ pralnuju mašynu. Lepiej za ŭsio vykarystoŭvać dla hetaha režym chutkaha myćcia, možna taksama zalić u mašynu šklanku vocatu, jon i nalot sa štorki zmyje, i kiepski pach prybiare. Ale ž budźcie ŭvažlivyja: nie ŭsie madeli dušavych štorak prydatnyja dla myćcia ŭ pralnych mašynach.

Prybirajem vapniakovy nalot z dušavoj nasadki

Časam navat śpiecyjalnyja srodki nie mohuć dapamahčy adčyścić z dušavoj nasadki vapniak, ale ž jość chatni recept, jaki dapamoža ŭ hetym. Prosta źmiašajcie vadu z vocatam u suadnosinach 1:1 i pakińcie dušavuju nasadku na noč u hetaj sumiesi. Taksama možna zamačyć u hetaj sumiesi tkaninu i na niekalki hadzin abkrucić joj nasadku.

Alej — dla taho, kab vanna zachavała blask

Krany ź ciaham času ad kantaktu z vadoj hublajuć blask. U dadatak, na ich źjaŭlajucca vapnavyja adkładańni. Ale ž jość sposab hetaha paźbiehnuć: prosta pracirajcie raz na tydzień kran i inšyja častki rakaviny i duša alejem. Spačatku alejem, a paśla inšaj anučkaj nasucha — santechnika budzie bliščeć!

Zrobim kaflu bliskučaj

Kab hetaha damahčysia, prosta časam paśla duša čyścicie kaflu z dapamohaj humavaha škłoačyščalnika. Tak vy strachujeciesia ad śladoŭ padciokaŭ i nalotu, i vam nie spatrebicca nijakaja chimija.

Čyścim tualet z dapamohaj koły

U kole jość ortafosfarnaja kisłata. Jana cudoŭna raspuskaje vapniakovy nalot. Srodki dla myćcia sanvuzła z takoj kisłatoj pradajucca, ale dla čystki ŭnitaza možna vykarystoŭvać i prostuju kołu. Zalić kołu va ŭnitaz na noč. Ranicaj prosta spuścicie vadu, i nalotu jak i nie było. Koła taksama dapamahaje prybirać nalot i iržu, jakija mohuć źjavicca, naprykład, na batarei. Hety napoj budzie karysny i tady, kali treba pačyścić kaflu ci kieramičnyja rečy.

«Našu Nivu» finansujuć jaje čytačy — padtrymać prosta

Čytać taksama:

Piać idej z usiaho śvietu dla viasnovaha hienieralnaha prybirańnia

• 39
• 0
• 4
• 2
• 2
• 2
• 5
• 0