U Biełarusi z 1 maja pavyšajuć PDV na pasłuhi pieradačy danych — z 25 da 26%. Havorka pra pasłuhi dostupu ŭ sietku ad internet-pravajdaraŭ, a taksama pra mabilny internet ad sotavych apierataraŭ. Dźvie kampanii z troch abviaścili pra pavyšeńnie taryfaŭ na svaje pasłuhi.
Z 1 maja čynoŭniki pavyšajuć PDV na pasłuhi pieradačy danych — z 25 da 26%. Pryčym taki pamier padatku ustanavili na 2022 hod, heta značyć, jon pačaŭ dziejničać zadniaj dataj — z 1 studzienia hetaha hoda. Raniej padatak na pasłuhi elektrasuviazi pavyšali ŭ 2017 hodzie — z 20% da 25%, piša Zerkalo.io.
Niekatoryja mabilnyja apieratary z-za hetaha novaŭviadzieńnia z 1 maja padymuć taryfy na svaje pasłuhi. Pra takoje rašeńnie abviaścili A1 i MTS, ale nie ŭdakładnili, nakolki vyrastuć taryfy.
«Źmianieńnie staŭki PDV taksama prymianiajecca da abanienckaj płaty kompleksnych taryfnych płanaŭ i pakietaŭ, jakija ŭklučajuć u siabie pasłuhi pieradačy danych pa kanałach sotavaj ruchomaj i stacyjanarnaj elektrasuviazi. Pieraraźlik koštu taryfaŭ z ulikam PDV budzie praviedzieny 1 maja 2022 hoda», — paviedamlaje A1.
«Z 1 maja 2022 hoda PDV pa staŭcy ŭ pamiery 26% abkładajucca abaroty pa realizacyi pasłuh pieradačy danych. Źmiena zakranie pasłuhi pieradačy danych, što akazvajucca abanientam sotavaj ruchomaj elektrasuviazi i fiksavanaha internetu. Padrabiaznaja infarmacyja ab taryfach budzie raźmieščanaja 1 maja», — adznačaje MTS.
Pry hetym apieratar life:) zajaviŭ, što nie budzie z 1 maja padymać taryfy z-za pavyšeńnia PDV.
«1 maja 2022 hoda PDV na pasłuhi pieradačy danych pavialičvajecca na 1% i składzie 26%. Heta tyčycca internet-pakietaŭ, kompleksnych taryfnych płanaŭ, u jakija ŭvachodzić internet, i taryfikacyi internet-trafiku, nie ŭklučanaha ŭ pakiet. PDV dla ŭsich astatnich pasłuh, a heta taryfy bieź internetu, pakiety chvilin i dydžytał-siervisy, zastanucca raniejšym — 25%. Košt našych pasłuh 1 maja nie źmienicca», — udakładniaje life:).
Nahadajem, z 1 maja pavysić taryfy na niekatoryja pasłuhi suviazi taksama «Biełtelekam». Z nastupnaha miesiaca padaražejuć asobnyja taryfnyja płany pa telebačańni, a taksama niekatoryja pakiety z damašnim internetam.
-
Paśla šaści hadoŭ źniavoleńnia vyjšaŭ na svabodu pinski palitviazień Ihar Sałaviej
-
Pratasievič adkazaŭ Statkieviču i NN: Majo sumleńnie čystaje. A pra trusy majoj abrańnicy pračytajuć bolš, čym pra ŭsiemahčymyja Kaardynacyjnyja rady
-
Pamiatajecie žančynu, jakuju padmanuli rasijskija turysty? Kampanija, jakaja tut ni pry čym, prapanavała joj kampiensacyju
Ciapier čytajuć
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary