Turcyja zakryła pavietranuju prastoru dla rasijskich samalotaŭ, jakija nakiroŭvajucca ŭ Siryju
Ministr zamiežnych spraŭ Turcyi Mieŭlut Čavušahłu dadaŭ, što Ankara nie ŭdzielničaje ŭ sankcyjach suprać Rasii, — piša TASS.
Turcyja zakryła svaju pavietranuju prastoru dla rasijskich vajskovych i hramadzianskich samalotaŭ, jakija nakiroŭvajucca ŭ Siryju.
Pra heta zajaviŭ u subotu jaje ministr zamiežnych spraŭ Mieŭlut Čavušahłu tureckim žurnalistam padčas turne ŭ krainy Łacinskaj Amieryki.
«My zakryli pavietranuju prastoru dla rasijskich vajskovych i navat hramadzianskich samalotaŭ, jakija nakiroŭvajucca ŭ Siryju. My vydavali [kožny raz] dazvoł na try miesiacy. Dazvoł skančajecca ŭ krasaviku. Naš prezident [Turcyi Redžep Taip Erdahan] heta taksama paviedamiŭ [prezidentu Rasii Uładzimiru] Pucinu. Paśla paloty byli prypynienyja»,
— pryvodzić jaho słovy hazieta Sabah.
Pavodle Čavušahłu, tym samym Turcyja «viadzie pieramovy z RF šlacham dyjałohu, [implemientacyju] Kanviencyi Mantre, a taksama praź inšyja pytańni».
Turcyja nie ŭdzielničaje ŭ sankcyjach suprać RF.
«My źjaŭlajemsia krainaj, jakaja nie ŭdzielničaje ŭ sankcyjach. Kali kampanija [z RF] choča vieści biźnies, jana pavinna vykonvać našy zakony i normy mižnarodnaha prava»,
— cytuje kiraŭnika MZS respubliki hazieta.
U Ankary raniej nieadnarazova zajaŭlali, što Turcyja nie maje namieru dałučacca da sankcyj u dačynieńni da RF, kab nie nanieści škodu ŭłasnaj ekanomicy i pakinuć adkrytym kanał dyjałohu z Maskvoj.
Ciapier čytajuć
Maksim Znak: My ź Cichanoŭskaj zajšli padavać skarhu ŭ kabiniet Jarmošynaj — ale Jarmošynaj tam nie było45
Maksim Znak: My ź Cichanoŭskaj zajšli padavać skarhu ŭ kabiniet Jarmošynaj — ale Jarmošynaj tam nie było
U archivach SBU znajšlisia dakumienty, jak savieckija śpiecsłužby zavierbavali emisara AUN, ale ŭkrainskaje padpolle heta vykryła i zabiła zdradnika88
Kamientary