Što viadoma pra chłopcaŭ, zatrymanych sa stralaninaj za dyviersii na čyhuncy?
Siońnia MUS apublikavała kadry žorstkaha zatrymańnia mužčyn, datyčnych da sabatažu na čyhuncy. Niekatoryja ź ich byli paranienyja pry zatrymańni — siłaviki «stralali na paražeńnie». «Naša Niva» raskazvaje pra troch babrujčan, jakich uziali 30 sakavika. Nivodzin ź ich nie byŭ rabotnikam čyhunki.
Jak paviedamlała MUS, u noč na 30 sakavika byli zatrymanyja troje žycharoŭ Babrujska, jakija ŭčynili dyviersiju 28 sakavika ŭ Asipovickim rajonie.
28-hadovy Jaŭhien Minkievič vučyŭsia ŭ babrujskaj škole alimpijskaha reziervu, paśla zavočna skončyŭ Mazyrski pieduniviersitet imia Šamiakina, fakultet fizičnaj kultury.
Zusim niadaŭna Minkieviča šukali — aryjenciroŭki źjavilisia ŭ miacovych pablikach. Paviedamlałasia, što chłopiec kudyści pajechaŭ na svaim aŭto, unačy z 30 na 31 sakavika i pierastaŭ vychodzić na suviaź.
Vopratka, jakuju ŭkazali ŭ aryjenciroŭcy, supadaje z vopratkaj, u jakoj Minkievič na videa siłavikoŭ.
Jaho niekalki dzion šukali vałanciory atrada «Fieniks». Jany nie kamientujuć abstaviny pošukaŭ i pryvatnyja detali, ale viadoma, što «Fieniks» tolki siońnia atrymaŭ dakładnuju infarmacyju pra Minkieviča.
«Usio, što možam skazać: siońnia stała viadoma, što jon žyvy», — adkazali ŭ «Fieniksie».
Pry hetym, vałanciory «Fieniksa» ŭ pošukach ščylna supracoŭničajuć ź milicyjaj i MNS. Atrymlivajecca, tydzień siłaviki nie davali nijakaj infarmacyi pra Minkieviča, jaki ličyŭsia źnikłym, choć zatrymali jaho 30 sakavika.
Jaŭhien pracavaŭ sanitaram na chutkaj, paśla kiroŭcam. Žanaty, maje małoje dzicia. «Naša Niva» źviazałasia z žonkaj Jaŭhiena, ale jana kateharyčna admoviłasia ad kamientaryjaŭ. Inšyja svajaki taksama nie adkazvajuć.
Pra viasielle Minkieviča navat pisała miascovaja presa. Zvyčajny chłopiec: lubić kulinaryć razam z žonkaj, maryŭ pra dvaich dziaciej, chłopčyka i dziaŭčynku, jašče da viasiella padaryŭ žoncy ščaniuka.
Uładzimiru Aŭramcavu 27 hadoŭ. Jon taksama źviazany sa sportam — zajmaŭsia hreka-rymskaj baraćboj, hreplinham. Pracavaŭ trenieram, nastaŭnikam fizičnaj kultury.
«Naša Niva» źviazałasia z baćkam Uładzimira, jon razdražniona admoviŭsia ad kamientaryjaŭ. Cikava, što Alaksandr Aŭramcaŭ, baćka chłopca — były siabar miascovaha kazackaha konna-spartovaha kłuba. Raniej Alaksandr Aŭramcaŭ pracavaŭ u milicyi, u adździele baraćby z ekanamičnymi złačynstvami.
Dźmitryj Klimaŭ, treci z zatrymanych mužčyn, pracavaŭ u siervisie taksi, byŭ rehijanalnym pradstaŭnikom u Babrujsku. Jamu 28 hadoŭ.
Jon były milicyjant, pracavaŭ u Kalinkavickim adździele departamienta achovy. Paśla syšoŭ u taksisty. Klimaŭ i Minkievič niejki čas pracavali ŭ adnoj transpartnaj kampanii.
Klimaŭ žanaty, maje małoje dzicia.
Pry jakich abstavinach zatrymali mužčyn, dahetul nieviadoma.
MUS: Troje partyzanaŭ byli paranienyja pry zatrymańni, adzin u ciažkim stanie
Ciapier čytajuć
Studentka, jakaja ŭciakła ad aryštu ŭ 2020-m, pracuje na krajniaj poŭnačy Narviehii i zrazumieła skandynaŭski recept ščaścia25
Studentka, jakaja ŭciakła ad aryštu ŭ 2020-m, pracuje na krajniaj poŭnačy Narviehii i zrazumieła skandynaŭski recept ščaścia
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier77
Kamientary