Błohiera i pradziusara Uładzisłava Savina asudzili na 8 hadoŭ kałonii
U sudzie Zavodskaha rajona Minska paśla čatyroch miesiacaŭ sudovych razboraŭ ahučyli prysud 34-hadovamu pradziusaru i błohieru Uładzisłavu Savinu.
Sudździa Anžeła Kaściukievič asudziła jaho na vosiem hadoŭ kałonii va ŭmovach uzmocnienaha režymu — mienavita takoha pakarańnia prasiŭ prakuror.
Savina abvinavačvali pa dvuch artykułach Kryminalnaha kodeksa:
— machlarstva ŭ bujnym pamiery (č. 4 art. 209 KK),
— arhanizacyja i ŭdzieł u niesankcyjanavanaj akcyi pratestu (art. 342 KK).
Pieršy artykuł — za nierealizavanyja realici-šou, jakija musili vyjści na kanale ANT. Sprava ciahniecca z 2016 hoda, Uładzisłaŭ pieršapačatkova prachodziŭ paciarpiełym, potym śviedkam. Spravu zakryvali, a ŭ žniŭni 2020-ha jaje adnavili.
U 2020 hodzie Uładzisłaŭ viarnuŭsia ŭ Biełaruś i dałučyŭsia da pratestaŭ — jon udzielničaŭ u akcyjach i aktyŭna aśviatlaŭ heta na svajoj staroncy ŭ instagram.
Jaho abvinavacili va ŭdziele ŭ troch Maršach i arhanizacyi pratestaŭ z dapamohaj videarolikaŭ na svajoj staroncy ŭ Instahram.
U apošnim słovie Uładzisłaŭ Savin skazaŭ:
«A davajcie vierniemsia ciapier da 342-1. Vy kažacie ab zakonnaści, ab pravasudździ. Heta značyć čałaviek, jaki pryznaje vinu, vy ličycie, zasłuhoŭvaje maksimalnaha pakarańnia? Try hady pazbaŭleńnia voli? Dyk da čaho vy schilajecie tady padsudnaha, kab jon naohuł nikoli nie pryznavaŭ svaju vinu?
Vy razumiejecie, što abvinavačvańnie zahadzia nievinavataha — heta taksama złačynstva, hramadzianin prakuror? Vy razumiejecie, što lubaja kryminalnaja sprava praź piać hadoŭ, praź dziesiać budzie padniataja? I vy jak abvinavaŭca možacie trapić na majo miesca. Vy choć heta razumiejecie?»
Čytajcie taksama:
«Dyk a ludziam navošta pra heta kazać?» Dyjałoh sudździ Anžeły Kaściukievič i błohiera Uładzisłava Savina
Ciapier čytajuć
Biełaruskaja i rasijskaja armii na biełaruskaj terytoryi trenirujucca nanosić jadzierny ŭdar16
Kamientary