Jak zahinuŭ dobraachvotnik Źmicier Apanasovič? Raskazvajuć jaho paplečniki
Biełaruski dobraachvotnik z bataljona Kalinoŭskaha Źmicier Apanasovič zahinuŭ u bai pad Irpieniem. Voś što było ŭ toj dzień.
24 sakavika Źmicier trapiŭ pad artyleryjski abstreł.
«Teror» na svaim bajavym pastu skočyŭ u akop, kab schavacca, ale snarad trapiŭ u dom i askiepki zrykašecili, palacieli ŭ «Terora». Jamu na miescy adrazu akazali miedycynskuju dapamohu. Jaho stan byŭ ciažkim, ale stabilnym. Paśla była evakuacyja, i pa słovach tych, chto evakujavaŭ, jaho pieradali miedykam u stabilnym stanie. Ale, na žal, ranieńnie było vielmi ciažkim, «Terora» nie ŭdałosia vyratavać», — raskazaŭ paplečnik Źmitra padčas bryfinhu.
Paviedamlałasia, što ŭ tym bai biełaruski bataljon źniščyŭ try adzinki techniki praciŭnika.
Apanasoviču było 32 hady. Heta ŭžo treci biełarus, jaki zahinuŭ, abaraniajučy Ukrainu.
Bataljon Kalinoŭskaha ŭdzielničaŭ u bajavych dziejańniach u rajonie Vasilkova, u apieracyi pa vyzvaleńni Bučy, u terabaronie Kijeva.
Usiaho na hety momant u składzie roznych farmiravańniaŭ na ŭkrainskim baku vajujuć niekalki socień hramadzian Biełarusi.
Čytajcie taksama:
Farmirujucca dźvie biełaruskija ŭzbrojenyja hrupy, jakija bačać svajoj metaj vyzvaleńnie krainy
Ciapier čytajuć
Bulba-fitnes: biełarusy pakazvajuć u sacyjalnych sietkach, kolki bulby vykapali sioleta7
Bulba-fitnes: biełarusy pakazvajuć u sacyjalnych sietkach, kolki bulby vykapali sioleta
Hrodzienskaha padletka adpravili ŭ škołu ŭ Litvu — jon vyvučyŭ litoŭskuju i ciapier pierakładaje ŭ Jeŭraparłamiencie. Pierakładaŭ jon i Cichanoŭskich3030
Kamientary