U Karpiankova novy namieśnik — z Tamboŭskaj vobłaści. Kalehi raskazali, čym jon zajmaŭsia ŭ 2020-m
Na miesca namieśnika kamandujučaha ŭnutranymi vojskami Chazałbieka Atabiekava Łukašenka pryznačyŭ Siarhieja Hrabieńnikava. U adstaŭcy Atabiekava ničoha niezvyčajnaha niama — praz dva dni jamu 55 hod, maksimalny ŭzrost dla pałkoŭnika, dalej ci ŭ adstaŭku, ci ŭ hienierały. Što možna skazać pra Hrabieńnikava?
Hrabieńnikaŭ — nie vyklučeńnie ŭ kadravaj palitycy Łukašenki adnosna siłavych orhanaŭ. Naradziŭsia Hrabieńnikaŭ u Tamboŭskaj vobłaści, jamu 47 hod.
Dla «Našaj Nivy» jaho kalehi uspaminajuć jaho słužbovy šlach.
«Hrabieńnikaŭ byŭ kamandziram čaści 5529 — jany zajmalisia achovaj abjektaŭ MUS. Paśla hetaha skončyŭ kamandna-štabny fakultet, hetak zvany «fakultet Hienštaba», ź miedalom, i pajšoŭ u Hałoŭnaje ŭpraŭleńnie kamandujučaha ŭnutranymi vojskami, u štab. Nieprykmietny čałaviek, adlustravańnie paniaćcia «štabny aficer», čyja zadača — pryhoža namalavać, patłumačyć, padrychtavać», — takuju charaktarystyku daŭ jamu adzin z sasłužyŭcaŭ.
Čym Hrabieńnikaŭ adznačyŭsia padčas padziej 2020-ha, kali ludzi patrabavali svabodnych vybaraŭ?
«U 2020-m jon byŭ pieršym namieśnikam načalnika štaba ŭnutranych vojskaŭ, adpaviedna, kuryravaŭ płanavańnie i ŭžyvańnie siłaŭ i srodkaŭ. Navat ciažka skazać, čym kankretna jon vyłučyŭsia — za niepasrednymi źvierstvami ja jaho nie bačyŭ, ale da płanavańnia źvierstvaŭ jon ruku prykłaŭ», — miarkuje kaleha.
Da 7 hod asudzili padpałkoŭnika SK u adstaŭcy, jaki mieŭ dačynieńnie da «Čornaj knihi»
Ciapier čytajuć
Babaryka zojmiecca biznesam — užo adkryŭ kampaniju ŭ Hiermanii19
Babaryka zojmiecca biznesam — užo adkryŭ kampaniju ŭ Hiermanii
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu1313
Kamientary