«Voś jany pračytajuć u hadkich hazietach, dzie zakaznych artykułaŭ chapaje, dzie mnohija nienavidziać Biełaruś, i havorać, što Biełaruś pajšła na Zachad».
Palityčnaja elita Rasii absalutna nie viedaje taho, što adbyvajecca ŭ Biełarusi. Ab hetym zajaviŭ siońnia Prezident Biełarusi Alaksandr Łukašenka ŭ intervju teleprahramie «Formuła ŭłady»
— sumiesnamu prajektu rasijskaha infarmacyjnaha ahienctva ITAR‑TASS i telekanała «Rasija».
«Palityčnaja elita Rasii absalutna nie viedaje, što adbyvajecca ŭ Biełarusi. Voś jany pračytajuć u hadkich hazietach, dzie zakaznych artykułaŭ chapaje, dzie mnohija nienavidziać Biełaruś, i havorać, što Biełaruś pajšła na Zachad, — skazaŭ Alaksandr Łukašenka. — Dyk vy ž raźbiaryciesia pa aficyjnych kanałach, vy ŭ mianie spytajcie, kudy my pajšli: na Zachad, na Uschod… Jany nie viedajuć, što adbyvajecca tut».
Prezident padkreśliŭ, što Biełaruś pa‑raniejšamu zastajecca nadziejnym sajuźnikam Rasii.
«Pomnicie, što adziny nadziejny sajuźnik u vas zastaŭsia — heta Biełaruś, stratehičny sajuźnik na stratehičnym napramku. Tak było zaŭsiody», — zajaviŭ kiraŭnik biełaruskaj dziaržavy.
Alaksandr Łukašenka taksama adznačyŭ, što nie razumieje naściarožanaści ŭ Rasii nakont taho, što Biełaruś apošnim časam vybudoŭvaje adnosiny ź Jeŭropaj. «Čamu kiraŭnictva Rasii tak strašna ŭsprymaje, što my pačali razmovu ź Jeŭropaj? — spytaŭ Prezident, dadaŭšy, što ź Jeŭrasajuzam siońnia tavaraabarot praktyčna taki ž, jak i z Rasijskaj Fiederacyjaj. «My 45 pracentaŭ handlujem ź Jeŭropaj — miljardy dołaraŭ. Ja pavinien heta palityčna zabiaśpiečvać? My ž admachnucca ad hetaha nie možam, — adznačyŭ biełaruski lider. — Tamu ja zabiaśpiečvaju ŭ źniešniaj palitycy, dypłamatyčna, svaje ekanamičnyja intaresy».
Ciapier čytajuć
Łukašenka: Raman Pratasievič — daŭni supracoŭnik biełaruskaj raźviedki45
Kamientary