Saŭładalnik Alfa-banka, miljarder Michaił Frydman nazvaŭ vajnu va Ukrainie «trahiedyjaj» i zaklikaŭ praduchilić «krovapralićcie».
Jak paviedamlaje Financial Times, pra heta jon napisaŭ u liście supracoŭnikam inviestycyjnaj firmy LetterOne, saŭładalnikam jakoj jon źjaŭlajecca.
«Ja naradziŭsia ŭ Zachodniaj Ukrainie i žyŭ tam da 17 hadoŭ. Maje baćki — hramadzianie Ukrainy i žyvuć u Lvovie, maim lubimym horadzie, — napisaŭ Frydman. — Ale taksama ja pravioŭ bolšuju častku majho žyćcia jak hramadzianin Rasii, stvarajučy i raźvivajučy biznes. Ja hłyboka pryviazany da ŭkraincaŭ i ruskich i, na moj pohlad, ciapierašni kanflikt — heta trahiedyja i dla tych, i dla inšych».
«Ja nie vystupaju z palityčnymi zajavami. Ja biznesmien z adkaznaściu pierad tysiačami supracoŭnikaŭ u Rasii i Ukrainie. Ja pierakanany, što vajna nikoli nie moža być rašeńniem. Canoj hetaha kryzisu buduć žyćci i straty dvuch nacyj, jakija byli braterskimi sotni hadoŭ», — praciahnuŭ Frydman.
Ciapier čytajuć
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary