Pratesty suprać napadu na Ukrainu zasłanili refierendum. Čerhi na ŭčastkach naziralisia tolki ŭ toj čas, u jaki zaklikała hałasavać apazicyja
Dniom kala mnohich vybarčych učastkaŭ naziralisia vialikija čerhi. Asnoŭny dzień hałasavańnia byŭ azmročany sotniami zatrymańniaŭ. Nadziei na padlik hałasoŭ niama, bo kamisii składajucca z adnych łukašenkaŭcaŭ, a niezaležnyja naziralniki nie dapuščanyja.
Pravaabaroncam viadomyja imiony 334 zatrymanych siońnia
Kolkaść zatrymanych, pra jakich robicca viadoma, uvieś čas raście.
Zatrymańni rabilisia ŭ Minsku i Minskim rajonie, Babrujsku, Baranavičach, Breście, Viciebsku, Hrodnie, Dokšycach, Žodzinie, Kobrynie, Lidzie, Mahilovie, Navapołacku, Pinsku, Połacku, Śvietłahorsku, Słucku.
Tolki niekatoryja, najbolš admietnyja zatrymańni:
Na ŭčastku dla hałasavańnia №59 (vuł. Čurlonisa u Minsku) zatrymali chłopca sa ściaham Ukrainy.
Pierakładčycu Volhu Kałackuju zabrali kala škoły №134.
Iryna Hryharčuk była zatrymanaja u 14:00 na vuł. Janki Maŭra 10a. U jaje byŭ płakat z nadpisam «Niet vojnie».
U vioscy Juzafova na vybarčym učastku ŭ 11:00 zatrymany Mikałaj Vałuj, jaki byŭ naziralnikam.
U Baranavičach kala škoły №10 zatrymali jak minimum niekalki mužčyn, piensijanierku z płakatam «Ukraina, my z vami» i dziaŭčynu. Siarod zatrymanych — Vital Capkoŭ, jakija stajaŭ udalečyni i havaryŭ pa telefonie.
U Žodzinie kala vybarčych učastkaŭ zatrymlivali tych, chto paśla 14:00 vychodziŭ z učastka i stajaŭ pobač ź im.
Na Savieckaj płoščy dziaŭčyna vyjšła na adzinočny pikiet. Praź niekalki chvilin da jaje padyšli ludzi ŭ formie i paviali z saboj.
Kala 14:00 u Dokšycach zatrymali Taćcianu Dorc. Jana vyjšła na płošču kala rajvykankama z płakatam «Słava Ukrainie». Praz paru chvilin padjechali DAIšniki, zatrymali, pavieźli ŭ RAUS.
U Mahilovie kala «Biełaruskaha dziaržuniviersiteta charčavańnia i chimičnych technałohij» (były MDUP) supracoŭniki AMAP zatrymali i pavieźli ŭ nieviadomym kirunku pažyłuju žančynu. Taksama siłaviki adahnali ad budynka ŭniviersiteta, dzie raźmiaščajecca ŭčastak dla hałasavańnia, paru ź dziećmi.
U Lidzie zatrymali žančynu z antyvajennym płakatam. Zatrymańnie adbyłosia ŭ miascovym licei.
Hanna Dai ŭ Navapołacku zatrymanaja za toje, što siabry vybarčaj kamisii ŭbačyli, jak jana sfatahrafavała biuleteń.
U Minsku zatrymali žančynu z sabakam. Za što mienavita — pakul nieviadoma.
U Breście dniom zatrymali mužčynu, jaki skazaŭ amapaŭcu, što jon suprać vajny. Pryblizna 60 čałaviek sabralisia kala vybarčaha ŭčastka, da ich padyšoŭ amapaviec i zapatrabavaŭ ad ludziej razyścisia. U adkaz mužčyna skazaŭ jamu: «Ja pratestuju suprać vajny». Paśla hetaha jaho zatrymali.
U Kobrynie kala 30 čałaviek vyjšli na antyvajennuju akcyju ŭ 17.00. Ludzi sabralisia ŭ centry horada. Siłaviki pasprabavali zatrymać dvuch čałaviek, adzin uciok, druhoha zatrymali.
Aficyjnaja infarmacyja:
Śledčym kamitetam uzbudžanyja kryminalnyja spravy za hrubaje parušeńnie hramadskaha paradku, supraciŭ milicyi i zakliki da takich dziejańniaŭ:
«Ciapier zatrymanyja bolš za 10 arhanizataraŭ, jakija zaklikali da ekstremisckich dziejańniaŭ. Z padazravanymi pracujuć śledčyja. Ich dziejańniam dadziena pravavaja acenka», — piša viedamstva.
«Nie vajnie!»
Da 17.00 Śviatłana Cichanoŭskaja zaklikała vychodzić da budynka Hienštaba pratestavać suprać vajny Rasii z Ukrainaj i ŭdziełu ŭ hetym Biełarusi na baku Rasii.
Taksama ludzi prajšli kałonaj kala Dana Moll kala stancyi mietro «Uschod».
U centry Minska šmat ludziej.
Ludzi hulajuć, časam nievialikija hrupy skandujuć antyvajennyja i praŭkrainskija łozunhi. Mašyny sihnalać.
U adkaz na infarmacyju pra zbor biełarusaŭ siłaviki pierakryli centr Minska, a mietrapaliten zakryŭ stancyi u rajonie Hienštaba.
Niahledziačy na vielizarny cisk i sankcyi, prostyja biełarusy nie bajacca vykazvać svajo mierkavańnie suprać biełaruskich uład i ŭ padtrymku Ukrainy!
U Biełarusi, adnak, heta sprava niebiaśpiečnaja, iduć zatrymańni.
Pratesnaje hałasavańnie na ŭčastkach
Da 14.00 na ŭčastki zaklikała demanstratyŭna prychodzić Śviatłana Cichanoŭskaja, mnohija na jaje zaklik adhuknulisia.
A voś tak vyhladali siońnia biuleteni tych, chto pryjšoŭ na ŭčastki vykazacca suprać vajny
Foty čytačoŭ «Našaj Nivy»
Kamientary