«Kucharka abo kłoŭn nie pavinny pretendavać na vysokuju pasadu». Sierhiejenka ahučyŭ «narodnyja» prapanovy ŭ Kanstytucyju
Prapanovy pa źmienach u Kanstytucyju 18 studzienia abmierkavali na naradzie ŭ Pałacy Niezaležnaści.
«Narodnyja idei» pa refarmavańni Asnoŭnaha zakona krainy ahučyŭ kiraŭnik Administracyi Alaksandra Łukašenki Ihar Sierhiejenka, paviedamlaje STB.
— Ludzi pišuć, što nijakija kucharka abo kłoŭn nie pavinny pretendavać na vysokuju pasadu kiraŭnika dziaržavy, — zajaviŭ čynoŭnik.
U suviazi z hetym Sierhiejenka prapanavaŭ razhledzieć mahčymaść uviadzieńnia dadatkovaha patrabavańnia da kandydataŭ u prezidenty — najaŭnaść nie mieniej čym dziesiaci hadoŭ stažu dziaržsłužby abo kiraŭničaha vopytu ŭ arhanizacyi.
Jon taksama adznačyŭ, što «dastatkova šmat hramadzian» vykazałasia ab nieabchodnaści pazbaŭleńnia hramadzianstva ekstremistaŭ i «inšych źbiehłych asob, jakija svaimi dziejańniami pryčyniajuć škodu biełaruskaj dziaržavie i hramadstvu».
— Padobnyja pytańni staviać i našy siłavyja viedamstvy. U suviazi z hetym prapanujecca častku 2 artykuła 10, u jakoj havorka idzie ab niedapuščalnaści pazbaŭleńnia hramadzianstva, vyklučyć u cełym, — skazaŭ Sierhiejenka.
Kiraŭnik administracyi paviedamiŭ, što ciapier kirujucca 83 artykułami dziejsnaj Kanstytucyi, dva vyklučajucca, 11 novych dadajecca.
Kamientary