Łukašenka: La miežaŭ Biełarusi idzie naroščvańnie vajennaha kantynhientu Ukrainy
Łukašenka siońnia zasłuchaŭ dakład pra zadumu sumiesnaha apieratyŭnaha vučeńnia ŭzbrojenych sił Biełarusi i Rasii. Raniej paviedamlałasia, što jaho mohuć pravieści ŭ lutym-sakaviku.
Łukašenka zajaviŭ, što jaho naściarožvaje situacyja na paŭdniovych rubiažach Biełarusi, paviedamlaje BiełTA.
«Ukraina praciahvaje naroščvać siły, źbirajučy padraździaleńni Nacyjanalnaj hvardyi z «nacyjanalistaŭ-radykałaŭ». Heta jašče pabolej, čym nataŭskija vajskoŭcy. I heta ŭsio ŭ niepasrednaj blizkaści ad dziaržaŭnaj miažy našaj krainy. Znoŭ ža, pad vyhladam taho, što buduć zmahacca ź mihrantami. Dy mihranty tudy navat u strašnym śnie nie patrapiać. Jany tudy nie iduć i nie źbirajucca va Ukrainu iści, my heta vydatna razumiejem. Z Ukrainy svaje ludzi biahuć, a jany buduć «abaraniacca ad mihrantaŭ ź Biełarusi», — skazaŭ Łukašenka.
Va Ukrainie la biełaruskich miežaŭ pravodzicca śpiecapieracyja «Paleśsie», u pamiežžy prysutničajuć da 10 tys. vajskoŭcaŭ. «Heta značyć, dynamika takaja, što idzie naroščvańnie vajennaha kantynhientu na paŭdniovych miežach našaj krainy», — kanstatavaŭ Łukašenka.
Taksama jon zaznačyŭ, što ŭ Polščy i krainach Bałtyi la biełaruskich miežaŭ znachodzicca bolš za 30 tysiač vajskoŭcaŭ.
«Varšava źviarnułasia da kiraŭnictva NATA z prośbaj razharnuć u hetym rehijonie šmatešałonavanuju sistemu tyłavoha i techničnaha zabieśpiačeńnia. Jak ludzi vajennyja, my adrazu zadajom pytańnie: navošta?» — zadaŭsia pytańniem Łukašenka.
Ciapier čytajuć
Hrodzienskaha padletka adpravili ŭ škołu ŭ Litvu — jon vyvučyŭ litoŭskuju i ciapier pierakładaje ŭ Jeŭraparłamiencie. Pierakładaŭ jon i Cichanoŭskich2525
Kamientary