U zakładnikach apynulisia rabin i troje naviednikaŭ sinahohi ŭ techaskim horadzie Kolivił. Paśla dziesiaci hadzin pieramovaŭ usie zakładniki byli vyzvalenyja, a teraryst zabity, paviedamlaje Bi-Bi-Si.
Zachop zakładnikaŭ adbyŭsia ranicaj u subotu ŭ čas słužby, jakaja tranślavałasia ŭ internecie ŭ pramym efiry. Paśla napadu tranślacyja spyniłasia, adnak tyja, chto za joj sačyŭ, paśpieli pačuć słovy napadnika ab tym, što jon nie choča pryčynić kamu-niebudź škody i, pa ŭsioj vierahodnaści, jaho čakaje śmierć. Było taksama čuvać, jak jon prosić «paklikać da telefona maju siastru».
U zakładnikach pieršapačatkova apynulisia čatyry čałavieki, u tym liku rabin. Napadnik śćviardžaŭ, što maje pry sabie zbroju i vybuchovyja pryłady.
Čałaviek, jaki zachapiŭ zakładnikaŭ, patrabavaŭ vyzvalić pakistanskaha niejrachirurha Aafii Sidziki, jakaja adbyvaje 86-hadovy turemny termin pavodle abvinavačvańnia ŭ zabojstvie amierykanskich vajskoŭcaŭ i supracoŭnikaŭ FBR u Afhanistanie. Sidziki siadzić u turmie, što raźmieščana ŭ rajonie techaskaha horada Fort-Uert z toj ža ahłamieracyi, što i Kolivił.
Zachopnik pradstaviŭsia bratam Sidziki, ale paśla kampanija ABC News pahavaryła z advakatam sapraŭdnaha brata i toj paviedamiŭ, što jahony klijent ciapier znachodzicca ŭ inšym horadzie Techasa, Chjustanie.
Abłoha sinahohi i pieramovy ab vyzvaleńni zakładnikaŭ doŭžylisia bolš za dziesiać hadzin. Praz šeść hadzin pieramoŭ teraryst adpuściŭ adnaho ź ich. Astatnija byli vyzvalenyja ŭ chodzie apieracyi śpiecsłužbaŭ, padčas jakoj ich zachopnik byŭ zabity.
Jak paviedamlaje telekampanija CNN, pradstaŭnik FBR Met Desarna skazaŭ na bryfinhu, što asoba zabitaha ŭžo ŭstanoŭlena, ale raskazać hramadskaści, chto jon, FBR i palicyja pakul nie mohuć.
Ciapier čytajuć
Biełaruskaja i rasijskaja armii na biełaruskaj terytoryi trenirujucca nanosić jadzierny ŭdar16
Kamientary