Adukacyja školnika ŭ vioscy kaštuje ŭ dva razy bolš, čym u horadzie — dźvie tysiačy dołaraŭ u hod
Urad pryniaŭ pastanovu ab finansavańni dziaržaŭnych ustanovaŭ adukacyi. Z dakumienta možna daviedacca, kolki hrošaj ź biudžeta traciać na kožnaha navučenca ŭ škole, prafiesijna-techničnym kaledžy i vučyliščy. Tak, na kožnaha viaskovaha školnika zakładvajecca hrošaj u dva razy bolš, čym na adukacyju ŭ haradskoj škole.
Takim čynam, na adukacyju adnaho haradskoha školnika ź biudžetu vydatkoŭvajecca 2257 rubloŭ na hod, na viaskovaha školnika — 5155 rubloŭ.
Dla dziacičych sadkoŭ taksama roznaje finansavańnie: 2724 rubli na hod na dzicia, što žyvie ŭ horadzie, i 3632 rubli ŭ hod na dzicia na vioscy.
Pryčyna najpierš u skaračeńni kolkaści viaskovych navučencaŭ — kłasy mienšyja, a štat nastaŭnikaŭ i infrastruktura pavinny być pa tych ža standartach, što i ŭ astatnich škołach.
Na navučańnie adnaho čałavieka ŭ prafiesijna-techničnym kaledžy ź biudžetu vydatkoŭvajuć 3838 rubloŭ u hod, u siarednie-śpiecyjalnaj navučalnaj ustanovie — 3346 rubloŭ.
«Nie bajusia asudžeńnia». Pahladzicie, jakaja epatažnaja nastaŭnica viadzie ŭroki ŭ minskaj škole
«Ja kłasny kiraŭnik ŭ kłasie, dzie ŭsie dziaŭčaty». Historyja maładoha chłopca, jaki kinuŭ pracu ŭ stalicy i viadzie ŭroki ŭ viaskovaj škole
Ciapier čytajuć
Uvodziać adkaznaść za prapahandu homaseksualnaści, biaździetnaści, a taksama za niezakonnaje pradstaŭleńnie Biełarusi na mižnarodnaj arenie25
Kamientary