Pucin: Uzrovień intehracyi Rasii i Biełarusi značna nižejšy, čym u krain Jeŭrasajuza
Na pres-kanfierencyi ŭ Maskvie kiraŭnik Rasii prakamientavaŭ biełaruska-rasijskaje supracoŭnictva i pytańni intehracyi.
«U nas vialiki nabor našaj sumiesnaj pracy dla zbližeńnia ekanomik i dla nadańnia im bolšaj kankurentazdolnaści. I tam nie tolki roŭminh. Choć heta taksama pavinna stajać na paradku dnia — heta toje, što ludzi pavinny adčuć. Ale ŭ nas užo mnohaje zroblena. Asabliva ŭ sacyjalnych pytańniach. Ja maju na ŭvazie i svabodnaje pieramiaščeńnie, i stanovišča na rynku pracy. I navat sacyjalnaje zabieśpiačeńnie pa cełym šerahu kirunkaŭ.
Ciapier u nas razmova idzie pra što? Pra toje, kab sinchranizavać padatkovuju i mytnuju spravu i zakanadaŭstva.
Heta nadzvyčaj važna dla taho, kab zabiaśpiečyć adnastajnaje razumieńnie taho, jak my budziem dziejničać sumiesna dla dasiahnieńnia najvyšejšaha vyniku. Voś heta na samaj spravie asnoŭnyja rečy: fiskalnaja palityka i zakanadaŭstva, i mytnaje», — skazaŭ Uładzimir Pucin.
Pa jaho słovach, praces uzhadnieńnia pazicyj ź biełaruskim bokam byŭ doŭhi i niaprosty:
«Pavinien skazać, što Alaksandr Ryhoravič i jaho ŭsia kamanda — niaprostyja pierahavorščyki. Ale my, u cełym, dasiahnuli razumieńnia taho, jakim tempam i jakimi krokami my pavinny da hetaha iści. Heta tyčycca dopusku na rynak zakupak tavaraŭ i pasłuh, arhanizavanyja dziaržavaj, biełaruskimi ekanamičnymi apieratarami. Heta tyčycca transpartu i vielmi mnohich pytańniaŭ. Tamu ja ŭpeŭnieny, što našy hramadzianie heta adčujuć na sabie, na biahučym svaim žyćci. Heta nie manna niabiesnaja. Ź nieba ŭsio adrazu nie pavalicca. Ale jość vidavočnyja rečy, jakija zabiaśpiečvajuć našu kankurentazdolnaść».
Pucin ličyć, što ŭzrovień intehracyi dźviuch krain značna nižejšy, čym u krain Jeŭrasajuza.
«Ja ŭžo nie kažu ab adzinaj valucie. Boh ź im. Heta pytańnie, mahčyma, budučyni. Kali našy adpaviednyja ekanamičnyja słužby pryjduć da niejkaj zhody na hety kont.
Ale nam spačatku treba sinchranizavać naša zakanadaŭstva ŭ śfiery ekanomiki. I antymanapolnaje zakanadaŭstva, padatkovaje, mytnaje. Voś my pra heta damovilisia. Damovilisia — ciapier pačniem pracavać. Spadziajusia, što vyniki buduć», — skazaŭ rasijski kiraŭnik.
Pucin zajaviŭ pra niemahčymaść hladzieć na Kijeŭ i «čakać, kali dałbanuć»
ŚMI: Barys Hryzłoŭ stanie novym pasłom Rasii ŭ Biełarusi
Ciapier čytajuć
Na pratestancki fiestyval u «Čyžoŭku-Arenu» jedzie amierykanski prapaviednik Franklin Hrem. Razam ź im čakajuć Koŭła z žonkaj14
Kamientary