Daśledavańni: «Amikron» miakčejšy za papiarednija chvali, ludzi radziej traplajuć u balnicu
Pavodle papiarednich daśledavańniaŭ, apublikavanych u Vialikabrytanii i Paŭdniovaj Afrycy, štam amikron miakčejšy ŭ paraŭnańni z papiarednimi chvalami, piša BBC.
U chvorych na amikron imaviernaść patrapić u stacyjanar balnicy na 30-70% mienšaja, čym u chvorych na papiarednija štamy.
Adnak lekary pieražyvajuć, što navat kali amikron budzie ŭ siarednim miakčejšym, jaho chutkaje raspaŭsiudžvańnie i vysokaja kolkaść vypadkaŭ zachvorvańnia moža vyklikać vysokuju nahruzku na balnicy.
Daśledavańnie, praviedzienaje ŭ Šatłandyi, adsočvała karanavirus i kolkaść ludziej, jakija apynulisia ŭ balnicy.
U daśledavańni paviedamlajecca, što kali b amikron pavodziŭ siabie jak delta, to 47 čałaviek užo byli b špitalizavanyja. Na hety momant ich usiaho 15.
Takim čynam patrebnaść u stacyjanarnaj dapamozie skaračajecca na 2/3.
Inšaje daśledavańnie, praviedzienaje ŭ Paŭdniovaj Afrycy, taksama zaznačaje, što chvala amikrona miakčejšaja.
Ludzi na 70-80% radziej majuć patrebu ŭ stacyjanarnym lačeńni ŭ paraŭnańni ź inšymi chvalami.
Daśledavańnie amikrona, praviedzienaje Impierskim kaledžam Łondana, adznačaje, što mutacyi amikrona zrabili jaho bolš miakkim virusam za deltu.
Amikron bolš miakki nie tolki z-za svaich ułaścivaściaŭ, ale i z-za taho, što ŭžo mnohija ludzi nabyli naturalny imunitet albo byli vakcynavany.
Univiersitet Hankonha vyjaviŭ, što amikron chutčej zaražaje dychalnyja šlachi, ale horš pranikaje ŭ hłybokija tkanki lohkich, dzie jon moža nanieści bolšuju škodu.
-
Žonka dyrektara JERAM, hrošy na zmahańnie z ankałohijaj dla jakoj źbirali ŭsim śvietam, uvajšła ŭ remisiju
-
U adnym z rehijonaŭ Biełarusi ŭspyška niebiaśpiečnaha virusa — jak abaranicca
-
26‑hadovaja ciažarnaja ŭ Dziaržynsku pamierła praź biełaruski antybijotyk, jaki raniej užo zabaraniali — bo ad jaho zahinuła niekalki žančyn
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku
Kamientary