Uvodzicca kryminalnaja adkaznaść za ŭdzieł u zabaronienych i niezarehistravanych arhanizacyjach
Pałata pradstaŭnikoŭ siońnia adrazu ŭ dvuch čytańniach pryniała čarhovyja źmieny ŭ Kryminalny kodeks i Kodeks ab administracyjnych pravaparušeńniach.
Jak paviedamlaje pres-słužba Pałaty pradstaŭnikoŭ, papraŭki ŭ KK praduhledžvajuć uviadzieńnie kryminalnaj adkaznaści
«Za arhanizacyju dziejnaści albo ŭdzieł u dziejnaści palityčnaj partyi, inšaha hramadskaha abjadnańnia, relihijnaj arhanizacyi abo fondu, u dačynieńni da jakich nabyło zakonnuju moc rašeńnie ŭpaŭnavažanaha dziaržaŭnaha orhana ab likvidacyi abo prypynieńni dziejnaści, a taksama za arhanizacyju dziejnaści albo ŭdzieł u dziejnaści palityčnaj partyi, inšaha hramadskaha abjadnańnia, relihijnaj arhanizacyi abo fondu, jakija nie prajšli va ŭstanoŭlenym paradku dziaržaŭnuju rehistracyju, pry adsutnaści prykmiet złačynstva, praduhledžanaha artykułam 423-1 KK».
Artykuł 423-1 KK praduhledžvaje adkaznaść za nievykanańnie rašeńnia ab prypynieńni dziejnaści arhanizacyj, pryznanych ekstremisckimi.
U KaAP unosiacca źmieny, jakija tyčacca praviadzieńnia masavych mierapryjemstvaŭ.
Uvodzicca adkaznaść za ŭstanoŭlenuju ŭ zakonie «Ab masavych mierapryjemstvach» zabaronu na zbor, atrymańnie, vykarystańnie hrašovych srodkaŭ, inšaj majomaści, vykanańnie rabot, akazańnie pasłuh dla met kampiensacyi vydatkaŭ, abumoŭlenych pryciahnieńniem asoby da adkaznaści za parušeńnie paradku arhanizacyi abo praviadzieńnia masavych mierapryjemstvaŭ.
Ciapier zakonaprajekt pavinien pastupić u Saviet Respubliki, a paśla jaho padpiša Alaksandr Łukašenka. Zakony nabyvajuć moc paśla aficyjnaha apublikavańnia.
Ciapier čytajuć
Stali viadomyja padrabiaznaści pra trahiedyju ŭ Połackim manastyry18
Stali viadomyja padrabiaznaści pra trahiedyju ŭ Połackim manastyry
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary