Brat i siabar zahinułaha ŭ kałonii Vitolda Ašurka źjechali ź Biełarusi praz pahrozu pieraśledu
Aktyvisty ź Biarozaŭki Andrej Ašurak i Siarhiej Pantus terminova pakinuli Biełaruś. Jany daviedalisia, što ich płanujuć pasadzić na vialiki termin.
«Nam pastupiła infarmacyja, što niavažna, jakim čynam, niavažna za što, ale my pavinny sieści nadoŭha», — daŭ kamientar «Svabodzie» Siarhiej Pantus.
Apošnimi dniami da žycharoŭ Lidčyny stali prychodzić siłaviki ŭ miežach kryminalnaj spravy, jakuju zaviali paśla prysudu Vitoldu Ašurku — ludzi vyhuknuli ŭ zale «Hańba» (siłaviki interpretavali heta jak dziejańni pavodle artykuła 339 KK Biełarusi «chulihanstva»).
Pravaabarončy centr «Viasna» paviedamlaŭ, što tyja, chto raniej prachodziŭ pa spravie śviedkami, stali padazravanymi. Brat Vitolda Andrej Ašurak prachodziŭ pa hetaj spravie śviedkam. Da jaho dadomu taksama napiaredadni prychodziła milicyja.
Aktyvisty ź Biarozaŭki zmahalisia za vyrašeńnie ekałahičnych prablem u rehijonie. Jany ŭdzielničali ŭ vybarčaj kampanii Vitolda Ašurka na parłamienckich vybarach. Ustaloŭvali kryžy i pomniki paŭstancam Kastusia Kalinoŭskaha.
Vitold Ašurak pamior u škłoŭskaj kałonii pry niavyśvietlenych abstavinach sioleta ŭ traŭni. Paśla pratestaŭ 2020 hoda jaho asudzili na 5 hod kałonii.
U Biarozaŭcy zastałasia 83-hadovaja maci Vitolda i Andreja Ašurkaŭ Alena Mironaŭna.
«Hałoŭnaje pytańnie: što vy ź im zrabili, sa zdarovym čałaviekam?» Brat Vitolda Ašurka — pra dva miesiacy bieź jaho
«Bližej da Mjanmy, ale nie pierajšoŭ u stadyju masavych zabojstvaŭ». Jaki ŭ Biełarusi siońnia palityčny režym?
Ciapier čytajuć
Što za Dźmitryj Skindzieraŭ, jaki abviaściŭ vajnu Cichanoŭskaj? Supracoŭnictva z HUBAZiKam, daŭhi ŭ Biełarusi, daŭhi ŭ Litvie44
Kamientary