Błohiera i aktyvista abvinavačvajuć pa čatyroch artykułach Kryminalnaha kodeksa. Praces prachodzić u Minskim haradskim sudzie. Eduardu pahražaje da 12 hadoŭ turmy.
Siońnia pačaŭsia sud nad viadomym błohieram Eduardam Palčysam.
U th-kanałach źjaviłasia infarmacyja, što Eduard Palčys zajaviŭ advod sudu i admoviŭsia ŭstavać. «Ja nie liču heta sudom», — skazaŭ jon. Sudździa Piotr Arłoŭ zrabiŭ pasiadžeńni zakrytymi.
Palčysa abvinavačvajuć pa nastupnych artykułach Kryminalnaha kodeksa:
• č. 3 art. 130 (naŭmysnyja dziejańni, nakiravanyja na ŭzbudžeńnie inšaj sacyjalnaj varožaści i varožaści pa prykmiecie inšaj sacyjalnaj prynaležnaści, učynienyja hrupaj asob, jakija pryviali da inšych ciažkich nastupstvaŭ);
• č. 1 art. 293 (arhanizacyja masavych biesparadkaŭ);
• č. 1 art. 342 (arhanizacyja dziejańniaŭ, jakija hruba parušajuć hramadski paradak);
• č. 3 art. 361 (zakliki da dziejańniaŭ, nakiravanych na pryčynieńnie škody nacyjanalnaj biaśpiecy Respubliki Biełaruś).
Pavodle SK, asnoŭnaj zbrojaj Palčysa źjaŭlalisia stvoranyja i kiravanyja im internet-resursy, u tym liku telehram-kanał i staronki ŭ sacyjalnych sietkach, jakija «zachapili bolšuju častku aŭdytoryi krainy, ich davier i vykarystoŭvalisia dla kiravańnia śviadomaściu natoŭpu, skłanieńnia da zapłanavanych złačynnych dziejańniaŭ».
Jak raskazvała raniej žonka Eduarda Viktoryja, aptymizmu ŭ jaje nakont suda niama. «Ja razumieju, što jamu daduć hadoŭ 7—10. I sapraŭdy, treba nastrojvacca na vialiki termin, tak budzie lahčej z usim spraŭlacca, i nastrojvajusia na horšaje».
Eduard Palčys byŭ zatrymany ŭ vieraśni 2020 hoda i pieršapačatkova asudžany na 30 sutak, adnak praź miesiac jaho nie vypuścili, a vystavili abvinavačvańnie ŭ «arhanizacyi masavych biesparadkaŭ» pa č. 1 art. 293 KK. Potym dadali jašče try kryminalnyja artykuły.
Viktoryja Palčys uvosień 2020 hoda pakinuła krainu, u śniežni ŭ jaje naradziłasia dačka.
«Prahnozy niesuciašalnyja, na mały termin nie varta raźličvać». Viktoryja Palčys rychtujecca da suda nad mužam Eduardam
-
Biełaruskuju movu na ispytach vybiraje ŭsio mienšaja dola vypusknikoŭ škoł. Kali 20 hadoŭ tamu jaje zdavała amal pałova, ciapier — tolki kožny šosty
-
«Na adčuvalnyja temy — tolki doma abo kali hulaješ pieššu. Heta ciapier baza». Biełarusy raskazali pra samacenzuru ŭ ich žyćci
-
U Brest prybłukaŭ małady łoś VIDEA
Kamientary