Stań donaram rodnaj movy: startavaŭ marafon ahučvańnia biełaruskich skazaŭ
10 listapada pačaŭsia druhi Marafon ahučvańnia biełaruskich skazaŭ, da jakoha kožny moža dałučycca za 3 prostyja kroki.
- Zajści na sajt donar.by.
- Pačać ahučvać abo prasłuchoŭvać užo ahučanyja skazy.
- Pry žadańni stvaryć profil donara biełaruskaj movy i atrymać siertyfikat.
Ciaham miesiaca hałasy biełarusaŭ buduć źbiracca dla adkrytaj kalekcyi Common Voice, kab udaskanalić miechanizm raspaznavańnia biełaruskaha maŭleńnia i navučyć kampjutary razumieć našu movu. Dziakujučy hetamu ŭ budučyni možna budzie pa-biełarusku karystacca hałasavym pošukam, a vaš smartfon ci pyłasos buduć razumieć biełaruskuju movu i kamandy na joj.
Taksama hetym razam hałasy patrebnyja i dla novaha prajekta say.by — «Mova prafiesii». Udzielnikam prapanujecca ahučvać zadańni dla interaktyŭnaha navučańnia biełaruskaj movie ŭ roznych prafiesijnych śfierach: u absłuhoŭvańni, u koł-centrach, miedycynie, kaviarniach, kramach, na zapraŭkach, u IT i navat pivavareńni.
Taksama płanujecca abrać «donara biełaruskaj movy №1». Chto heta budzie — Jakub Kołas, Uładzimir Karatkievič, Ryhor Baradulin ci, moža być, Łarysa Hienijuš, — vyrašać udzielniki marafonu.
Pieršy taki marafon sa słohanam «Budučynia biełaruskaj movy ŭ tvaim hołasie» adbyŭsia paŭhoda tamu. U im uziali ŭdzieł tysiačy biełarusaŭ, jakija ahučyli 237 tysiač skazaŭ ź Vikipiedyi i mastackaj litaratury, było sabrana 356 hadzin biełaruskaha maŭleńnia. Usiaho za miesiac biełarusy abahnali ŭsie susiednija krainy na mižnarodnaj placoŭcy Common Voice.
Ciapier meta novaha marafonu — sabrać 1000 hadzin biełaruskaha maŭleńnia i ahučyć usie skazy dla «Movy prafiesii», cikava i z karyściu pabavić čas.
Udzielničać u marafonie možna z 10 listapada pa 10 śniežnia 2021 hoda.
Naprykancy 300 samych aktyŭnych «donaraŭ biełaruskaj movy» čakajuć simvaličnyja padarunki.
Ciapier čytajuć
Biełaruska adnačasova mieła dva hramadzianstvy — ale daviedałasia pra heta tolki ŭ 21 hod. Jak tak vyjšła?7
Biełaruska adnačasova mieła dva hramadzianstvy — ale daviedałasia pra heta tolki ŭ 21 hod. Jak tak vyjšła?
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna1919
Kamientary