Izrailskija archieołahi znajšli staražytnuju prybiralniu, jakoj 2700 hadoŭ FOTA
Izrailskija archieołahi abviaścili, što jany znajšli tualet 2700-hadavoj daŭniny, pryznačany dla pryvatnaj chatniaj haspadarki, a nie dla hramadskaha karystańnia. Mahčyma, jany taksama znajšli tahačasnyja aśviažalniki pavietra. Pra heta piša vydańnie Deutsche Welle.
Upraŭleńnie staražytnaściej Izraila paviedamiła, što archieołahi vyjavili hładki, vyrazany z vapniaku tualet u prastakutnym pakoi ŭ vialikaj rezidencyi ź vidam na Stary horad u Jerusalimie.
«Niemahčyma navat ujavić sabie taki zachaplalny vid», — zaznačyŭ Eli Eskasida, dyrektar Upraŭleńnia staražytnaściej Izraila.
Vyrazany z vapniaku błok z adtulinaj u centry znachodziŭsia na viaršyni hłybokaha adstojnika pamieram pryblizna 1,5 na 2 mietry.
Arhanizacyja taksama paviedamiła, što inšyja materyjały, znojdzienyja ŭ reziervuary, takija jak kostki žyvioł i kieramika, mohuć raskazać ab charčovych zvyčkach, ładzie žyćcia ci navat chvarobach toj epochi.
«U staražytnaści pryvatnyja tualetnyja kabinki byli vielmi redkija, i na siońnia ich znojdziena ŭsiaho niekalki», — skazaŭ dyrektar raskopak Jaakaŭ Bilih.
Tolki bahatyja mahli dazvolić sabie prybiralni.
Jaakaŭ Bilih pryhadaŭ, jak viadomy ravin adnojčy skazaŭ, što lepšaj prykmietaj taho, što čałaviek bahaty, zjaŭlajecca najaŭnaść «tualeta pobač ź jaho stałom».
U rezidencyi, dzie byŭ znojdzieny tualet, jość kamiennyja kałony i sad z fruktovymi sadami i raślinami, što taksama śviedčyć ab pryvilejach tych, chto siadzieŭ na vapniakovym tronie.
U staražytnym tualecie taksama było ad 30 da 40 čaraŭ, jakija, pa zdahadcy Biliha, mahli vykarystoŭvacca dla aramatyčnych rečyvaŭ, takich jak alej, ładan, dla niejtralizacyi niepryjemnych pachaŭ.
Raskopki jašče nie zavieršany z-za finansavych pryčynaŭ.
Čytajcie taksama: Kaniec lehiendzie kryminalnaha śvietu. Rasśledavalniki ZŠA śćviardžajuć, što identyfikavali sieryjnaha zabojcu Zadyjaka
Ciapier čytajuć
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ2020
Kamientary