Dyrektar centra pryjomu biežancaŭ u horadzie Rukła ŭ Litvie Bieatryče Biernatenie paviedamiła, što siońnia, 26 vieraśnia, u balnicy pamior chłopčyk 2010 hoda naradžeńnia, jaki pražyvaŭ u centry, pieradaje Delfi.lt.
«Siońnia ranicaj baćka źviarnuŭsia da našaha rabotnika i paviedamiŭ, što stan zdaroŭja dziciaci pahoršyŭsia. Naš supracoŭnik adrazu ž vyklikaŭ chutkuju dapamohu, jakaja adviezła dzicia razam z baćkam u miedycynskuju ŭstanovu, dzie paźniej, jak vyśvietliłasia, dzicia pamierła», — skazała dyrektarka Centra pryjomu biežancaŭ.
Jana patłumačyła, što ciažkachvoramu dziciaci i jaho baćku nadavałasia pavyšanaja ŭvaha. «Hetaje dzicia prybyła z baćkam u Centr pryjomu biežancaŭ 6 žniŭnia. Jaho tut ža pieravieźli ź miažy da nas, tamu što dzicia — čałaviek ź invalidnaściu, lažačy. Pa słovach baćki, invalidnaść źjaŭlajecca śledstvam traŭmy, atrymanaj u krainie pachodžańnia hod tamu», — raspaviała Bieatryče Biernatenie. Pavodle jaje słoŭ, piersanał centra i miedyki akazvali rehularnuju dapamohu, a z baćkam pracavaŭ psichołah.
«My ŭsie ŭzrušanyja hetaj strataj i vielmi spačuvajem baćku ŭ suviazi sa strataj dziciaci. U ciapierašni čas baćku dziciaci akazvajecca psichałahičnaja dapamoha, pachavańnie my biarom na siabie», — patłumačyła dyrektarka centra.
Kamientary