Da Kaci Pytlevaj druhi raz pryjšli ź pieratrusam. Stała viadoma, u čym jaje padazrajuć
Pra pieratrus u minskaj kvatery 24 vieraśnia žurnalistka raspaviała ŭ fejsbuku.
«Učora ŭ nas byŭ druhi pieratrus. Na hety raz pryjšli nibyta z KDB. Dźviery, na ščaście, nie łamali. Miarkujučy pa ich reakcyi, ubačyć nastupstvy papiaredniaha pieratrusu jany nie čakali, navat ździŭlena pytalisia, maŭlaŭ: «I hitaru taksama jany złamali? I zaplečniki parezali?» Karaciej, nie čakali jany, što chtości ich apiaredzić. Zatoje na hety raz źjaviłasia jasnaść, jakija artykuły mnie prypisvajuć: artykuł 361 KK, častki 1 i 3», — napisała Kacia Pytleva. Paźniej jana paviedamiła, što ŭsio ž havorka pra artykuł 361-1 KK (Stvareńnie ekstremisckaha farmiravańnia abo ŭdzieł u im).
Pra pieršy pieratrus žurnalistka paviedamiła 7 vieraśnia.
«Dźviery złamali nie tolki ŭvachodnyja, ale i čamuści ŭ spalniu, choć zamkoŭ usiaredzinie nie było, parezali kałonki, małatkom raźbili fihurki vožykaŭ, parezali viasielnyja fatahrafii, raspatrašyli viniłavuju kalekcyju i parassypali krupy i muku pa ŭsioj kvatery. Ja ŭžo nie kažu pra skrynki, u jakija my skłali ŭsie rečy, kali źjazdžali», — pisała televiadoŭca.
Častka 1 art. 361 KK:
Publičnyja zakliki da zachopu dziaržaŭnaj ułady, abo hvałtoŭnaj źmieny kanstytucyjnaha ładu Respubliki Biełaruś, abo zdradzie dziaržavie, abo ŭčynieńnia akta teraryzmu ci dyviersii, abo ažyćciaŭleńnia dziejańniaŭ, nakiravanych na parušeńnie terytaryjalnaj cełasnaści Respubliki Biełaruś, abo ździajśnieńnia inšych dziejańniaŭ, nakiravanych na pryčynieńnie škody nacyjanalnaj biaśpiecy Respubliki Biełaruś, albo raspaŭsiud materyjałaŭ, jakija ŭtrymlivajuć takija zakliki, karajucca aryštam abo pazbaŭleńniem voli na termin da piaci hadoŭ.
Častka 3 art. 361 KK:
Dziejańni, praduhledžanyja častkami 1 abo 2 hetaha artykuła, učynienyja z vykarystańniem srodkaŭ masavaj infarmacyi ci internetu albo słužbovaj asobaj z vykarystańniem svaich słužbovych paŭnamoctvaŭ, karajucca pazbaŭleńniem voli na termin ad dvuch da siami hadoŭ.
-
Vieniadziktaŭ: «U adnym z abmienaŭ, pra jaki hučna nie kazali», Ukraina vyzvaliła niekalki dziasiatkaŭ biełaruskich najomnikaŭ
-
Pamior były namieśnik staršyni Bresckaha abłvykankama Leanid Cupryk
-
Palčys pra list Kaleśnikavaj i Zołatavaj: «Za ŭsio dobraje, suprać usiaho drennaha», ale ŭ realnaści heta pakinie 9 miljonaŭ u łakalnym KNDR
Ciapier čytajuć
Babaryka, Zołatava i jašče niekalki dziasiatkaŭ byłych palitviaźniaŭ zaklikali jeŭrapiejskich lidaraŭ aktyŭniej damaŭlacca nakont vyzvaleńniaŭ33
Kamientary