Poł Rusiesabadžyna ŭ 1994 hodzie chavaŭ u hateli, dzie jon pracavaŭ, biežancaŭ, jakija ratavalisia ad hienacydu. Pavodle hetaj historyi ŭ 2004 hodzie źniali film, paśla čaho mužčyna staŭ znakamitym. Na radzimie jaho abvinavačvajuć u teraryźmie.
Sud u Ruandzie pryznaŭ vinavatym u suviaziach z terarystami i prysudziŭ da 25 hadoŭ turmy Poła Rusiesabadžyna, pratatypa hałoŭnaha hieroja filma «Hatel «Ruanda», jaki vyjšaŭ u 2004 hodzie pra hienacyd u krainie, piša RBK.
Jaho pryznali vinavatym va ŭdziele ŭ terarystyčnaj hrupie i ŭdziele ŭ terarystyčnych dziejańniach, ale apraŭdali pavodle epizodu ab stvareńni niezakonnaj uzbrojenaj hrupy.
U cełym Rusiesabadžyna abvinavačvali pa dzieviaci epizodach, uklučajučy teraryzm, padpał, utrymlivańnie zakładnikaŭ. Prakuratura damahałasia pažyćciovaha źniavoleńnia dla jaho. U vyniku jaho pryznali vinavatym pa vaśmi epizodach.
Sam abvinavačany pryznavaŭsia ŭ tym, što byŭ siarod kiraŭnikoŭ apazicyjnaha ruchu «Za demakratyčnyja źmieny (MRCD)», jaki krytykuje prezidenta Pola Kahamie, ale admaŭlaŭ dačynieńnie da dziejańniaŭ jaho bajavoha kryła, Nacyjanalnaha vyzvolnaha Frontu (FLN). FNŁ abvinavačvajuć va ŭčynieńni napadaŭ na terytoryi Ruandy ŭ 2018 hodzie, u vyniku jakich zahinuli dzieviać čałaviek.
Rusiesabadžyna admaŭlaŭ vysunutyja suprać jaho abvinavačvańni i zajaŭlaŭ, što jaho vykrali ŭ Dubai raniej u hetym hodzie, i siłkom dastavili ŭ Ruandu dla ŭdziełu ŭ sudovym pracesie.
Padčas hienacydu ŭ Ruandzie ŭ 1994 hodzie Rusiesabadžyna (chutu) pracavaŭ kiraŭnikom hatela vysokaha kłasa ŭ stalicy Kihali. Za niekalki hadoŭ da hetaha ŭ krainie pačałasia hramadzianskaja vajna, padčas jakoj abvastrylisia supiarečnaści pamiž dvuma narodnaściami: chutu i tutsi. U chodzie hienacydu chutu pry padtrymcy ŭładaŭ ździajśniali masavyja zabojstvy tutsi, pa roznych acenkach kolkaść achviar skłała ad 500 tys. da 1 młn čałaviek.
Rusiesabadžyna davaŭ uciekačam, jakija ratavalisia ad hienacydu, prytułak u hateli, chavaŭ ich i zabiaśpiečvaŭ usim nieabchodnym. Pa niekatorych danych, jon vyratavaŭ kala 1,2 tysiačy čałaviek.
Jaho historyja lehła ŭ asnovu filma «Hatel «Ruanda», dzie hałoŭnuju rolu vykanaŭ Don Čydł, a taksama syhrali Chaakin Fieniks i Žan Reno. Film byŭ naminavany na premii BAFTA, «Oskar» «Załaty hłobus». Jon atrymaŭ try premii «Spadarožnik», a taksama ŭvajšoŭ u dziasiatku najlepšych filmaŭ hoda pa viersii Nacyjanalnaha savieta kinakrytykaŭ ZŠA.
U 1990-ch Rusiesabadžyna pierabraŭsia ŭ Jeŭropu, zatym žyŭ u ZŠA, a paśla vychadu filma atrymaŭ suśvietnuju viadomaść. U 2005 hodzie prezident Džordž Buš uručyŭ Rusiesabadžyna prezidenckuju miedal Svabody, adnu z dvuch najvyšejšych uznaharod ZŠA dla hramadzianskich asob.
Atrymaŭšy viadomaść, Rusiesabadžyna šmat jeździŭ ź lekcyjami i vystupami. Jon taksama aktyŭna krytykavaŭ prezidenta Kahamie, zajaŭlajučy, što toj vinavaty ŭ parušeńni pravoŭ hramadzian i represijach suprać nasielnictva Ruandy.
Ciapier čytajuć
Śpiavačku Meryjem Hierasimienka na praciahu dvuch hadoŭ źbivaŭ muž17
Śpiavačku Meryjem Hierasimienka na praciahu dvuch hadoŭ źbivaŭ muž
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»33
Kamientary