Hramadstva

Što viadoma pra 13 čałaviek, jakich pamiłavaŭ Łukašenka?

Učora stała viadoma, što ukazam Łukašenki pamiłavanyja 13 čałaviek. «Naša Niva» pasprabavała daviedacca, chto siarod ich i kali mohuć vypuścić astatnich. 

Siarod pamiłavanych — asudžanyja pa nastupnych artykułach:

  • 342 — arhanizacyja dziejańniaŭ, jakija hruba parušajuć hramadski paradak, ci ŭdzieł u ich,
  • 369 — abraza pradstaŭnika ŭłady,
  • 339 — chulihanstva,
  • 130 — raspalvańnie rasavaj, nacyjanalnaj, relihijnaj ci inšaj sacyjalnaj varožaści,
  • 188 — paklop u publičnym vystupie, ŚMI ci internecie,
  • 391 — abraza sudździ.

U efiry BT ahučyli, što ŭ śpisie, jaki padavali na pamiłavańnie, častka była asudžana za karupcyju, niezakonnaje abaračeńnie narkotykaŭ ci zbroi. 

«U hetym śpisie 6 ci 7 pradstaŭnikoŭ bankaŭskaj supolnaści, jakija prachodziać pa spravie Biełhazprambanka, i adzin dyrektar fiłarmonii. Kaniečnie, jany ŭsie siadziać pa karupcyjnych artykułach. Nakont narkatyčnych — našaj kamisii nie było viadoma, što chtości pryciahvaŭsia pa ich.

94 z hetaj sotni ŭpieršyniu pryciahvajucca da kryminalnaj adkaznaści, mahčyma, z astatnich chtości sapraŭdy raniej byŭ asudžany pa narkatyčnym artykule. Mahčyma, u ich pry vobšuku štości znajšli», — tłumačyć Juryj Vaskrasienski. Jon kaža, što ŭ śpisach na pamiłavańnie tolki palityčnyja.

Čakałasia, što pieršyja 100 čałaviek apynucca na voli ŭžo da 17 vieraśnia. Pakul ź ich pamiłavali tolki 13. Kali vypuściać astatnich?

«Kamisija pa pamiłavańni pry prezidencie praciahvaje pracavać nad našymi śpisami. Jana zasiadaje raz na kvartał, tamu dumaju, što ŭ nastupnym kvartale hramadstva atrymaje jašče porcyju dobrych navin.

Niekatoryja abvinavačanyja pa ekanamičnych artykułach mohuć vyjści ŭ ramkach dasudovaj zhody pa artykule 88-1 KK. Ale asnoŭnaja masa hramadzian, čyje prysudy ŭstupili ŭ siłu, mohuć być adpuščany tolki ŭ paradku pracedury pamiłavańnia», — kaža Vaskrasienski.

U teleefiry prahučała taksama, što na pamiłavańnie mohuć raźličvać tolki ŭžo asudžanyja palitviaźni. Jaki tady sens rassyłać listy z prapanovaj pisać prašeńnie ŭ SIZA?

«Naša kamisija prapanavała taki varyjant: u suviazi z tym, što sudździa viedaje, što čałaviek raskajaŭsia i napisaŭ prašeńnie ab pamiłavańni, jon moža abo vynieści prysud ź minimalna mahčymaj sankcyjaj, praduhledžanaj tym ci inšym artykułam, abo vynieści jaho z adterminoŭkaj da razhladu prašeńnia», — dzielicca Vaskrasienski.

Pakul takich vypadkaŭ nie było. 

Pa infarmacyi «Našaj Nivy», pamiłavanym siońnia da 14-j hadziny budzie začytany ŭkaz Łukašenki, i jany vyjduć na volu. Z tych 13 na chimiju pieravodziać paru čałaviek. 

Dapoŭniena. Pravaabaroncam «Viasny» stali viadomy imiony pamiłavanych.

Śpis pamiłavanych:

  1. Viktar Kalinoŭski — 2,5 hoda «chimii» (art. 339 KK, złosnaje chulihanstva), pakarańnie zamieniena na «chatniuju chimiju»
  2. Valeryj Łoza — 2,5 hoda «chimii» (art. 369 KK, abraza pradstaŭnika ŭłady)
  3. Maksim Šaŭlinski — 2 hady «chimii» (art. 188, paklop)
  4. Ihar Bykoŭskich — 1,5 hoda «chimii» (art. 369 KK, abraza pradstaŭnika ŭłady)
  5. Jaŭhien Karalčuk — 1 hod «chimii» (art. 370 KK, ździek ź dziaržsimvałaŭ)
  6. Siarhiej Rudzinski — 1,5 hoda «chimii» (art. 369 KK, abraza pradstaŭnika ŭłady)
  7. Jaŭhien Pašaluk — 2 hady «chimii» (art. 391 KK, abraza sudździ)
  8. Vadzim Syčyk — 1 hod «chimii» (art. 339 KK, chulihanstva), pakarańnie zamieniena na «chatniuju chimiju»
  9. Alaksandr Babroŭ — 2,5 hoda kałonii ahulnaha režymu (art. 342 KK, arhanizacyja ci ŭdzieł u dziejańniach, jakija parušajuć hramadski paradak)
  10. Julija Kašavierava — 1,5 hoda kałonii (art. 339 KK, złosnaje chulihanstva)
  11. Alaksiej Koršun — 2,5 hoda kałonii (art. 130 KK, raspalvańnie sacyjalnaj varožaści)
  12. Jaŭhien Hovar — 2,5 hoda kałonii (art. 342 KK, arhanizacyja ci ŭdzieł u dziejańniach, jakija parušajuć hramadski paradak)
  13. Jaŭhien Rapin — 3 hady «chimii» (art. 342 KK, arhanizacyja ci ŭdzieł u dziejańniach, jakija parušajuć hramadski paradak)

Kamientary

Ciapier čytajuć

Što ŭjaŭlaje saboj baza danych, jakuju siłaviki nazyvajuć «uzłomam «Novaj Biełarusi»8

Što ŭjaŭlaje saboj baza danych, jakuju siłaviki nazyvajuć «uzłomam «Novaj Biełarusi»

Usie naviny →
Usie naviny

Adyška ŭ Łukašenki ciapier užo i kali jon havoryć siedziačy VIDEAFAKT10

Matč futbolnaj zbornaj z-za kiepskaha stanu pola pieranieśli sa stadyjona «Dynama» ŭ Barysaŭ

U Raduni na aŭkcyjonie pradali budynak staroj ješyvy

«Rychtavaŭsia da vyjezdu, ale nie paśpieŭ». Byłoha palitviaźnia paŭtorna zatrymali nieŭzabavie paśla vychadu z kałonii2

Rasijskaha «hieroja SVA» ŭ Staŭrapali ŭzarvaŭ chłopiec, ź jakim jon paznajomiŭsia na resursie dla hiej-znajomstvaŭ5

Stali viadomyja akaličnaści zabojstva pad Oršaj adnaho rasijskaha palicejskaha druhim5

Biełarus pryjechaŭ z Polščy abnavić pašpart, a staŭ fihurantam kryminalnaj spravy z zabaronaj na vyjezd. I pytańnie nie ŭ palitycy5

Chałodny maj udaryŭ pa kłubnicach. Biełaruskija fiermiery kažuć ab źnižeńni ŭradžaju

Minskaha kryminalnaha aŭtaryteta asudzili za palityku i pryznali ekstremistam8

bolš čytanych navin
bolš łajkanych navin

Što ŭjaŭlaje saboj baza danych, jakuju siłaviki nazyvajuć «uzłomam «Novaj Biełarusi»8

Što ŭjaŭlaje saboj baza danych, jakuju siłaviki nazyvajuć «uzłomam «Novaj Biełarusi»

Hałoŭnaje
Usie naviny →

Zaŭvaha:

 

 

 

 

Zakryć Paviedamić