«Luby ruch vyklikaje ŭ mianie bol»: Kryścina Cimanoŭskaja biare paŭzu ŭ treniroŭkach z-za traŭmy šyi
Pra heta jana napisała ŭ svaim instahramie.
«Na žal, ja vymušana kanstatavać toj fakt, što mnie daviadziecca ŭziać paŭzu ŭ treniroŭkach z-za traŭmy šyi. Luby ruch vyklikaje ŭ mianie bol i samaje važnaje zaraz — heta prajści kurs reabilitacyi i znoŭ viarnucca ŭ stroj.
Tak vyjšła, što hetuju traŭmu ja atrymała jak raz u Tokia na treniroŭcy. Viadoma ž, ja adrazu źviarnułasia tam da doktara, mianie ahledzieli i pastavili dyjahnaz — udar. Namazali maźziu i skazali, što praz paru dzion usio projdzie. Mahli, viadoma, zrabić i dadatkovyja abśledavańni, bo tam było ŭsio nieabchodnaje abstalavańnie, ale nie stali.
Pa vyniku, ja žyła z bolem u šyi miesiac, a ŭ piatnicu, paśla MRT, vyśvietliłasia, što ŭ mianie nadryŭ źviazak.
Vy zadajecca pytańniem: a jak možna było traŭmavać šyju? Usio vielmi prosta! Ja rabiła štanhu vahoj 120 kh i ŭ momant, kali ja ź joj ŭstavała, jana krychu adarvałasia ad šyi i ŭpała nazad. Ja pačuła ščaŭčok i adrazu adčuła bol. Na hetym ja skončyła treniroŭku, ale ŭžo tady razumieła, što heta abydziecca jak minimum udaram, a maksimum pierałomam.
I, viadoma, usie dalejšyja treniroŭki vyklikali bol, jak i spabornictvy, ale ja starałasia jaje nie zaŭvažać, bo ja 5 hadoŭ išła da hetaha startu i chacieła hodna vystupić. Pa ščaślivym źbiehu abstavinaŭ nijakich pierałomaŭ u mianie niama, ale jość nadryŭ, jaki treba lačyć i na heta treba čas.
Ale ja chaču skazać adno! Ja nikoli nie zdamsia. Zaraz ja budu prachodzić intensiŭnaje lačeńnie dla bolš chutkaha vyzdaraŭleńnia. Vialiki dziakuj za razumieńnie i padtrymku! Chutka ŭbačymsia!» — napisała jana.
Ciapier čytajuć
Łukašenka zajaviŭ pra hatoŭnaść pryjechać u Kijeŭ94
Kamientary