«Syravinaj my zabiaśpiečany jak minimum da kastryčnika-listapada». Stała viadoma, jak sankcyi ŭdaryli pa tytuniovaj halinie
Staršynia kancerna «Biełdziaržcharčprama» Anatol Bubien u efiry BT raspavioŭ, jak spraŭlajecca z sankcyjami Hrodzienskaja tytuniovaja fabryka «Nioman». Fabryka trapiła pad sankcyi ZŠA, a pad abmiežavańni Vialikabrytanii — usia halina.
Raniej tytuniovaja fabryka «Nioman» pracavała pieravažna na jeŭrapiejskaj syravinie.
— Ciapier paviarnulisia ŭ azijacki kirunak. I spadziajemsia, što z hetymi prablemami my spravimsia. Prynamsi, syravinaj my zabiaśpiečany jak minimum da kastryčnika-listapada, — adznačyŭ Anatol Bubien.
Pradpryjemstva spadziajecca znajści alternatyŭnuju syravinu na kitajskim rynku.
Niekatoryja materyjały dla vytvorčaści zamianili anałahami biełaruskaj vytvorčaści, u tym liku aramatyzatary. Kliše, jakoje nanosicca na cyharetu, pastaŭlaje rasijskaja kampanija, raniej ich vyrablali ŭ Hiermanii.
Jość pytańni pa bankaŭskich płaciažach. «Ale hetyja pytańni vyrašajucca. Kali nie ŭ hety dzień, to na nastupny pieravody pravodziacca», — adznačyŭ čynoŭnik.
Kamientary