Pamierła historyk Varvara Kucharenka, adna z najlepšych śpiecyjalistak pa Bałkanach. Joj było 40 hadoŭ
Historyk Varvara Kucharenka pamierła 22 červienia va ŭzroście 40 hadoŭ. Jak raskazali «NN» jaje kalehi, u daśledčycy była ankałohija.
Kucharenka naradziłasia ŭ 1981 hodzie ŭ Minsku. Skončyła z čyrvonym dypłomam histaryčny fakultet BDU, mahistraturu dy aśpiranturu. U 2007-m abaraniła kandydackuju dysiertacyju pa historyi Charvatyi 1920-ch hadoŭ. Z taho času pracavała na kafiedry historyi paŭdniovych i zachodnich słavian histfaka BDU.
Daśledčyca viała pa-biełarusku sacyjalnyja sietki, była aŭtarkaj «Našaj historyi».
Pa hetaj spasyłcy možna pračytać jaje tekst pra Čarnahoryju.
«Adna ź lepšych śpiecyjalistak pa bałkanskaj historyi XX stahodździa — rehularna pryjazdžała da nas na Kanhres»,
— piša ŭ sacyjalnych sietkach daśledčyk Alaksiej Łastoŭski, adzin z arhanizataraŭ Mižnarodnaha kanhresa daśledčykaŭ Biełarusi.
Redakcyja «NN» spačuvaje siamji i siabram Varvary Kucharenka.
Kamientary