Biesprecedentnaje daśledavańnie pakazvaje: praces stareńnia nielha spynić
Pryčyna — bijałahičnyja abmiežavańni.
Nieśmiarotnaść i biaskoncaja maładość niemahčymyja. Pra heta śviedčyć novaja praca navukoŭcaŭ, jakaja moža pałažyć kaniec dyskusijam nakont taho, ci mohuć ludzi žyć viečna.
Daśledavańnie, pra jakoje idzie havorka, praviali navukoŭcy z 14 krain, u tym liku ekśpierty z Oksfardskaha ŭniviersiteta. Metaj pracy było spraŭdzić hipotezu pra stabilnuju chutkaść stareńnia, zhodna ź jakoj u bijałahičnych vidaŭ jość adnosna stabilnaja chutkaść stareńnia ad momantu, kali jany dasiahajuć darosłaha ŭzrostu, piša Guardian.
Vučonyja paraŭnali statystyku pa naradžeńni i śmiarotnaści ŭ ludziej i ŭ prymataŭ i vyśvietlili, što schiema zaležnaści śmiarotnaści ad uzrostu ŭ roznych bijałahičnych vidaŭ akazałasia adnolkavaj. Heta pakazvaje, što praciahłaść žyćcia bolš zaležyć ad bijałahičnych faktaraŭ, a nie ad navakolnaha asiarodździa.
Hetaja schiema vyhladaje nastupnym čynam. U rańnim dziacinstvie ryzyka śmierci adnosna vysokaja, paźniej jana rezka źnižajecca i zastajecca na nizkim uzroŭni da maładości. U nastupnyja hady ryzyka śmierci pastupova ŭzrastaje.
Zhodna z statystykaj, asobnyja ludzi žyvuć daŭžej, kali lepšajuć žyćciovyja ŭmovy i miedycyna, i ŭ vyniku pavialičvajecca praciahłaść žyćcia vialikich hrup ludziej. Adnak čym bolš starejšyja hrupy nasielnictva traplajuć pad daśledavańnie, tym lepš bačny rezki ŭzdym śmiarotnaści, i heta datyčyć roznych bijałahičnych vidaŭ.
Ciapier čytajuć
Andreja Pačobuta pamianiali na łukašenkaŭskich špijonaŭ, aryštavanych u Polščy39
Kamientary