Pamior viadomy biełaruski archieołah Aleh Ioŭ. Jamu było 63 hady. Pa słovach siabroŭ, pryčynaj stała chvaroba nyrak.
Aleh Ioŭ naradziŭsia ŭ 1957 hodzie ŭ Biarozaŭskim rajonie. Skončyŭ histfak BDU, abaraniŭ kandydackuju dysiertacyju pa archieałohii.
Usio svajo žyćcio Ioŭ pracavaŭ u Instytucie historyi Akademii navuk Biełarusi.
Spravaj jaho žyćcia była archieałohija biełaruskaha Paleśsia.
Taksama Ioŭ daśledavaŭ Kurapaty. U kancy 1980-ch jaho, tady aśpiranta, adpravili na dapamohu Zianonu Paźniaku, jaki pieršym raskazaŭ pra heta ŭročyšča śmierci.
U suaŭtarstvie z Paźniakom i archieołaham Mikołam Kryvalcevičam vydaŭ brašuru pra tyja raskopki.
U druhi raz Ioŭ sudakranuŭsia z Kurapatami ŭ kancy 1990-ch, kali va ŭročyščy praviali ŭžo čaćviortaje pa liku daśledavańnie. Tady daśledčyk kiravaŭ raskopkami.
Asobnyja čynoŭniki nadta chacieli znajści «niamiecki śled», ale
Ioŭ zastaŭsia viernym histaryčnaj praŭdzie. Raskopki zaśviedčyli, što rasstreły ažyćciaŭlała NKUS, i jany adbyvalisia ŭ kancy 1930-ch hadoŭ.
Raźvitańnie z Aleham Iovym adbudziecca ŭ paniadziełak, 21 červienia. Inšyja padrabiaznaści pakul nieviadomyja.
Ciapier čytajuć
Biełaruskija abrady, arnamienty i biełaruskaja mova paŭsiul. Jak naščadak pierasialencaŭ zrabiŭ siało kala Bajkała znoŭ biełaruskim, i čamu heta moža chutka skončycca1414
Kamientary