Eks-prezident Litvy Vałdas Adamkus nazvaŭ absurdam padazreńni biełaruskaj pravaachoŭnaj sistemy adnosna jaho dačynieńnia da hienacydu biełarusaŭ, piša Delfi.
Tak Adamkus adreahavaŭ na dasłanuju Hienieralnaj prakuraturaj Biełarusi prośbu ab pravavoj dapamozie da litoŭskich prakuroraŭ apytać jaho jak śviedku ŭ ramkach rasśledavańnia spravy ab «hienacydzie žycharoŭ Biełarusi» padčas Druhoj suśvietnaj vajny.
«Heta absurd», — skazaŭ BNS prezident.
Staršy prakuror upraŭleńnia Hienprakuratury Biełarusi Eduard Skurat u sieradu zajaviŭ, što vałodaje infarmacyjaj, što Adamkus byŭ daručencam Antanasa Impulavičusa, jaki kamandavaŭ bataljonam dapamožnaj palicyi, što padparadkoŭvaŭsia SS, jaki padčas vajny pravodziŭ karnyja apieracyi na terytoryi Biełarusi.
«Ja navat nie viedaju, što takija arhanizacyi ŭvohule isnavali, ujaŭleńnia nie maju, što jany rabili i chto hetyja ludzi. Upieršyniu čuju», — skazaŭ Adamkus.
Jon nazvaŭ dziejańni biełaruskaj pravaachoŭnaj sistemy «durnoj sprobaj adciahnuć uvahu ad baraćby biełarusaŭ za svabodu».
«Dumaju, što heta nijak nie žadańnie niešta vyśvietlić, a prosta farmalnaja pravakacyja, kab uciahnuć pabolš ludziej u ich unutranyja prablemy», — skazaŭ eks-prezident Litvy.
Čytajcie taksama: Zapyt prakuratury adnosna Adamkusa: zdajecca, adno pryniali za druhoje, a druhoje pabłytali z trecim
Ciapier čytajuć
62‑hadovaja biznesvumen i miljanierka Iryna Ciareščanka padzialiłasia historyjaj svajho kachańnia z mužčynam, na 20 hadoŭ małodšym za jaje6
Kamientary