Suprać zatrymanaha 16 maja na Cnianskim vadaschoviščy ŭ Minsku ŭdzielnika MINSK FIXED GEAR 31-hadovaha Kanstancina Siamionava zaviali kryminalnuju spravu za abrazu prezidenta. Pryčynaj kryminalnaj spravy stała majka chłopca, za jakuju jaho zatrymali pierad honkaj Toure de Tsna i aryštavali na 15 sutak, z nadpisam «Dyktataru miesca ŭ piekle» i partretam čałavieka, padobnym da Łukašenki. Pa artykule 368 Kryminalnaha kodeksa Kanstancinu pahražaje pazbaŭleńnie voli da dvuch hadoŭ, paviedamlajuć pravaabaroncy.
Nahadajem, uviečary 16 traŭnia na Cnianskim vadaschoviščy ŭ Minsku zatrymali hrupu ravarystaŭ — udzielnikaŭ rovarnaj honki MINSK FIXED GEAR. Tam pavinien byŭ adbycca Toure de Tsna. Zatrymanych abvinavačvajuć «va ŭdziele ŭ niesankcyjanavanym masavym mierapryjemstvie, šlacham vykrykvańnia łozunhu «Žyvie Biełaruś». Na ŭsich ravarystaŭ skłali pratakoły pa art. 24.23 KaAP. U sudzie Savieckaha rajona kala 20 čałaviek asudzili da 10-15 sutak.
31-hadovaha Kanstancina Siamionava supracoŭniki AMAPa zatrymali pieršym u toj dzień pierad pačatkam honki Toure de Tsna. U Savieckim RUUSie na chłopca skłali pratakoł pa art. 24.23 KaAP, ale nie za ŭdzieł u masavym mierapryjemstvie, jak na astatnich asudžanych, a za adzinočnaje pikietavańnie majkaj z nadpisam «Dyktataru miesca ŭ piekle». Jak raspavioŭ na sudzie Kanstancin, jon čakaŭ pačatak honki i paśpieŭ tolki źniać vierchniuju vopratku, kali da jaho padjechaŭ bus i jaho zatrymali, piša «Viasna» naziraje». Śviedka-milicyjanier «Hromaŭ» śćviardžaŭ na sudzie, što «bačyŭ, jak Siamionaŭ jechaŭ siarod ravarystaŭ u majcy z palityčnym nadpisam».
Sudździa Siarhiej Šaciła aryštavaŭ Siamionava na 15 sutak. Majku Kanstancina kanfiskavali biez afarmleńnia dakumientaŭ. Taksama aryštavali rovar chłopca.
Ciapier čytajuć
«Ja bolš nie anarchist». Mikoła Dziadok — pra turmu, Boha i rasčaravańnie ŭ ideałohijach6
Kamientary