«My ich znojdziem i začyścim». Mikałaj Karpiankoŭ kamientuje film «Zabić prezidenta»
Kamandujučy ŭnutranymi vojskami Mikałaj Karpiankoŭ daŭ intervju teleprapahandystu Azaronku. Jon prakamientavaŭ film «Zabić prezidenta», pakazany ŭ efiry ANT.
«Vyrazna vidać i zrazumieła, što heta nie miakkaja, dobraja apazicyja, jakaja rupicca ab biełaruskim narodzie i mirnych pieramienach, a, viadoma, usio bolš i bolš jany padobnyja da šalonych sabak, jakija ŭ svaich płanach radykalnych, u svaich kryvavych zadumach rychtujuć uzbrojeny pieravarot, rychtujuć zabojstva, vykradańnie», — skazaŭ siłavik.
«I my hatovyja dziejničać. Jak tolki pastupić zahad — dzie b jany ni znachodzilisia, biez terminu daŭnaści — my ich znojdziem i my ich začyścim. My zrobim śviet bolš svabodnym, a Respubliku Biełaruś — bolš abaronienaj. My nahadvajem našaj iłžyvaj kryvažernaj apazicyi ab tym, što my ich viedajem usich. Viedajem, dzie jany znachodziacca, z kim jany majuć znosiny, jakaja ŭ ich nieruchomaść, dzie znachodziacca ich siemji. Jany vielmi lubiać nam nahadvać pra našy siemji i budavać usie svaje pahrozy ŭ adnosinach da nas praz našych žonak i dziaciej. Ja ni na što nie namiakaju, ale kali pastupić zahad albo chto-niebudź ź ich niešta zrobić u adnosinach da kiraŭnika dziaržavy, da členaŭ jaho siamji, da supracoŭnikaŭ pravaachoŭnych orhanaŭ, da žonak i dziaciej našych supracoŭnikaŭ, naša reakcyja budzie vokamhniennaja i ŭdar budzie zrujnavalny. I jon budzie simietryčny absalutna va ŭsich płanach i zadumach, jakija mieła apazicyja. My ich znojdziem i začyścim. I niachaj jany viedajuć, što adpłata niaŭchilna», — skazaŭ Karpiankoŭ.
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary