Biełaruskija ŭłady ahučyli svaje kontrsankcyi. Pad zabaronu trapili Skoda i Nivea
Ułady aficyjna zabaranili ŭvoz u krainu pradukcyi Skoda Auto, Liqui Moly i Beiersdorf (handlovaja marka Nivea).
Zroblena hety było «dla zabieśpiačeńnia abarony nacyjanalnych intaresaŭ», «z ulikam niedružalubnych dziejańniaŭ u dačynieńni da biełaruskaha naroda».
Nahadajem, raniej hetyja kampanii admovilisia spansiravać čempijanat śvietu pa chakiei, kali b jon pravodziŭsia ŭ Minsku. U vyniku heta stała važnaj pryčynaj pieranosu turniru ŭ Łatviju.
U vypadku vyjaŭleńnia zabaronienych tavaraŭ pry ŭvozie ŭ Biełaruś takija tavary buduć padlahać zvarotnamu vyvazu z terytoryi krainy.
Pastanova nie raspaŭsiudžvajecca na tavary dla asabistaha karystańnia.
Nahadajem, ES uvioŭ užo try pakiety sankcyj z-za parušeńniaŭ pravoŭ čałavieka i falsifikacyj na prezidenckich vybarach u Biełarusi.
Kamientary