Žury premii Aniempadystava abviaściła karotki śpis pretendentaŭ na ŭznaharodu, paviedamlaje Biełaruski PEN-centr. Na premiju za najlepšuju knižuju vokładku naminavałasia 28 knih.
U karotki śpis žury abrała 6 vokładak:
- Anatol Łazar — aŭtar vokładki knihi «Biełaruskaja nacyjanalnaja ideja», Źmicier Łukašuk, Maksim Harunoŭ. Miedysont, 2020. (Minskaja abłasnaja ekśpiertnaja kamisija pa acency infarmacyjnaj pradukcyi dała zaklučeńnie, što kniha źmiaščaje «prykmiety prajaŭleńnia ekstremizmu»).
- Kaciaryna Damanikava, Andrej Hančaruk — aŭtary vokładki knihi «Łotas na asfalcie», Aleś Płotka. Luta Sprava, 2020.
- Pavieł Darochin — aŭtar vokładki knihi «Narysy sučasnaha krajaznaŭstva», Zbych Słupoŭski. Halijafy, 2020.
- Pavieł Darochin — aŭtar vokładki knihi «Papiarosy», Jury Izdryk (pierakład na biełaruskuju — Aleś Płotka). Halijafy, 2020.
- Alena Daškievič — aŭtarka vokładki knihi «Prostyja słovy. Michał Aniempadystaŭ». Stowarzyszenie Młodych Twórców «Ku Teatrowi» (suvydaviec — Agencja Wydawnicza Ekopress), 2020.
- Natalla Pavalajeva — aŭtarka vokładki knihi «ROT», Jula Cimafiejeva. Januškievič, 2020.
Karotki śpis abiraŭsia rejtynhavym hałasavańniem: siabry žury aceńvali kožnuju vokładku pa dziesiacibalnaj škale, adznaki sumavalisia.
U składzie sioletniaha žury litaratarka i archivistka Volha Babkova, hrafik, dyzajnier i fatohraf Adam Baroŭski, dyzajnier i kalihraf Hienadź Macur, dyzajnierka Kaciaryna Pikirenia, mastačka Antanina Słabodčykava.
Inicyjatyva adznačać najlepšuju vokładku da biełaruskaj knihi naležyć Biełaruskamu PEN-centru sumiesna z Sajuzam biełaruskich dyzajnieraŭ i «Latučym univiersitetam», a taksama polskim partnioram TAA «H&L» i fondam «Adkrytaja kultura». Hienieralnym partnioram premii źjaŭlajecca telekanał «Biełsat».
***
Premija zasnavana ŭ 2019 hodzie ŭ pamiać pra čałavieka mnohich talentaŭ — mastaka, paeta, fatohrafa, dyzajniera, publicysta, kulturołaha Michała Aniempadystava, jaki pajšoŭ z žyćcia try hady tamu. Pieršym pieramožcam premii staŭ Hryhoryj Kacnelson za vokładku knihi «Vilenski pokier» Ryčarda Havialisa, u 2020 hodzie premiju atrymała dyzajnierka Kaciaryna Pikirenia za vokładku knihi «Troje ŭ čoŭnie i pios ź imi» Džeroma K. Džeroma.
Ciapier čytajuć
Taksistka z Tadžykistana naśmierć źbiła biełarusku ŭ Polščy — i spakojna pakinuła krainu16
Kamientary