Kurjeru Menu.by, jakoha zatrymali ŭ subotu, dali 1740 rubloŭ štrafu
Dastaŭščyka ježy, jaki byŭ zatrymany 27 sakavika na šlachu da klijenta, pryznali vinavatym va ŭdziele ŭ niesankcyjanavanym masavym mierapryjemstvie i pakarali štrafam u 60 bazavych vieličyń (1740 rubloŭ).
Sudziła kurjera Maryja Jarochina.
Chadajnictva vyvučyć telefon zatrymanaha, jaki śćviardžaŭ, što jon byŭ na pracy — vykonvaŭ dastaŭku zamovy, adchilili — sudździa skazała, što heta nie maje dačynieńnia da spravy.
Chłopiec byŭ zatrymany ŭ rajonie stancyi mietro «Puškinskaja» ŭ subotu. Na pieršym pasiadžeńni ŭ paniadziełak advakat paprasiŭ adpravić zapyt u Menu.by, kab tam dali infarmacyju ab zamovach kurjera. Chadajnictva zadavolili, sud praciahnuŭsia ŭ aŭtorak.
Advakat padaŭ list ad Menu.by, dzie paznačany data, čas, miesca i adrasy, kudy Alaksandr nakiroŭvaŭsia. Tam skazana, što 27 sakavika jon prybyŭ u «MakDonalds» na «Puškinskaj», tam atrymaŭ zamovu i pajšoŭ addavać jaje — adrasat byŭ na Prytyckaha, 95. Paźniej i byŭ zatrymany.
U vice-śpikierki Kaardynacyjnaj rady Lizaviety Prakopčyk sabrałasia $12 tysiač daŭhoŭ106
Kamientary