Ziamla — u biaśpiecy. Najbližejšyja sto hadoŭ sutyknieńnia z asteroidam nie budzie
Ziamlanie mohuć uzdychnuć z palohkaj — prynamsi najbližejšyja sto hadoŭ płaniecie nie pahražaje sutyknieńnie z asteroidam Apofis. Pra heta zajavili ŭ amierykanskim kaśmičnym ahienctvie NASA, piša Bi-bi-si.
Heta kaśmičnaje cieła, pamierami z dva futbolnyja pali, adkryli ŭ 2004 hodzie. U NASA jaho ličyli adnym z samych niebiaśpiečnych asteroidaŭ dla Ziamli.
Sutyknieńnie ź im pahražała płaniecie katastrofaj. Najbolš mahčymyja daty sutyknieńnia navukoŭcy prahnazavali na 2029 i 2036 hady, a taksama ŭ 2068 hodzie.
Ale siońnia navukoŭcy, atrymaŭšy novyja źviestki ab asteroidzie, hetyja pahrozy vyklučyli.
«Našy raźliki nie pakazvajuć nijakaj ryzyki prynamsi na praciahu nastupnych 100 hadoŭ», — skazaŭ Davidzie Farnočya, navukoviec, jaki vyvučaje kalaziamnyja abjekty dla NASA.
Nazvany ŭ honar staražytnajehipieckaha boha chaosu i ciemry, Apofis, pavodle acenak, maje 340 mietraŭ u šyryniu.
Niadaŭna asteroid prachodziŭ adnosna niedaloka ad Ziamli. 5 sakavika jon prajšoŭ za 17 młn km ad płaniety. Padčas prachodžańnia astranomy zmahli ŭdakładnić arbitu asteroida, što dazvoliła im z upeŭnienaściu vyklučyć lubuju ryzyku ŭdaru ŭ 2068 hodzie i jašče doŭhi čas paśla hetaha.
U nastupny raz Apofis padydzie adnosna blizka da ziamli 13 krasavika 2029 hoda. Jon budzie ŭ 32 000 km ad płaniety. Heta prykładna adna dziasiataja adlehłaść pamiž Ziamloj i Miesiacam.
Padčas hetaha nabližeńnia Apofis budzie bačny va ŭschodnim paŭšarji, u Azii, Afrycy i častcy Jeŭropy.
Kamientary