«Nastroj dobry». Žychar «Pirsa», jaki admoviŭsia zdymać ściah z bałkona, vyjšaŭ na volu paśla 15 sutak
19 sakavika ź izalatara časovaha ŭtrymańnia Minskaha rajona na volu vyjšaŭ Illa Kvačenka — žychar kvartała «Pirs» pad Minskam, jakoha asudzili na 15 dzion aryštu za toje, što vyviesiŭ bieł-čyrvona-bieły ściah na ŭłasnym bałkonie, paviedamlaje «Svaboda».
Za heta ŭ jaho taksama kanfiskavali mašynu.
«Lohka ŭsio prajšło. Nie paraŭnać z tym, što było ŭ žniŭni. Piersanał vietlivy, charčavańnie narmalnaje. Z 60 čałaviek było 10 «palityčnych». Znajšoŭ novyja znajomstvy. Sa mnoj siadzieli ŭ asnoŭnym tyja, u kaho ŭzłamali dźviery, skanfiskavali techniku ź infarmacyjaj», — skazaŭ pa vychadzie Illa Kvačenka.
Jon dadaŭ, što nastroj u jaho dobry, «budziem praciahvać».
5 sakavika sudździa Minskaha rajonnaha suda Anton Kołabaŭ pryznaŭ jaho vinavatym u «adzinočnym pikiecie». Illa viny za saboj nie pryznaŭ.
Ranicaj 4 sakavika na Illu Kvačenku, žychara kvartała «Pirs», što znachodzicca ŭ Minskim rajonie, skłali pratakoł pavodle artykuła 24.23 (parušeńnie praviłaŭ praviadzieńnia masavaha mierapryjemstva).
Uviečary 2 sakavika supracoŭniki DAI ź nieviadomych pryčyn evakujavali aŭtamabil žychara kvartału «Pirs» ź jahonaj ułasnaj parkoŭki pad domam. Illa niekalki miesiacaŭ tamu vyviesiŭ na ŭłasnym bałkonie bieł-čyrvona-bieły ściah. 3 sakavika rankam supracoŭniki milicyi pryjšli da jaho dadomu, adklučyli śviatło i pakinuli pad dźviaryma pozvu ŭ RUUS.
Čytajcie taksama:
Žychara kvartała «Pirs», u jakoha za nacyjanalny ściah na bałkonie zabrali mašynu, zatrymali i buduć sudzić
Illa Kvačenka asudžany na 15 sutak za vyviešvańnie bieł-čyrvona-biełaha ściaha na ŭłasnym bałkonie ŭ kvartale «Pirs»
Ciapier čytajuć
Alaksandru Milinkieviču patrabujecca ekstrannaja dapamoha2
Kamientary