«Źniaŭ masku i zaklikaŭ skłaści ščyty». Alaksieja Mielnikava asudzili na piać hadoŭ kałonii ŭzmocnienaha režymu
U sudzie Zavodskaha rajona Minska 16 sakavika vyniesieny prysud pa kryminalnaj spravie palitviaźnia Alaksieja Mielnikava, paviedamlaje spring96.org.
Jaho abvinavačvali ŭ złačynstvie, praduhledžanym častkaj 2 artykuła 293 KK RB Kryminalnaha kodeksa (masavyja biesparadki).
Mielnikaŭ byŭ zatrymany 4 śniežnia ŭ ramkach kryminalnaj spravy ab masavych biesparadkach u Minsku.
Praces viała sudździa Chvajnickaja.
10 žniŭnia Alaksiej Mielnikaŭ byŭ u rajonie univiersama «Ryha» pa asabistych spravach. Udziełu ŭ błakavańni vulic u toj viečar nie prymaŭ. Adnak, pa jahonych słovach, źjavilisia ludzi i pačali zaklikać da błakavańnia vulic. Mielnikaŭ pasprabavaŭ drabić kamiani, ale ŭ jaho nie atrymlivałasia. Zatym, pa jahonych śviedčańniach, na ludziej vyjšła ściana AMAPa.
Tady Mielnikaŭ źniaŭ masku i prapanavaŭ im skłaści ščyty, i «vyrašyć spravu mirnym šlacham».
Svaju vinu Mielnikaŭ pryznaŭ častkova.
Vynik — piać hadoŭ kałonii ŭzmocnienaha režymu.
Taksama sud pastanaviŭ pryznać prava na zadavalnieńnie materyjalnaha zysku.
Ciapier čytajuć
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy80
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi44
Kamientary