Kali zaražaješsia ŭ mascy, kavid časta praciakaje lahčej. Miedyki zrazumieli čamu
Daśledčyki vyjavili, što maski nie tolki źnižajuć ryzyku zachvorvańnia na karanavirus, ale i dapamahajuć pieranieści infiekcyju lahčej, kali zaražeńnie ŭsio ž taki adbyłosia.
Na pieršy pohlad pryčyny, čamu tak adbyvajecca, mohuć padacca vidavočnymi. Maska źmianšaje kolkaść virusnych čaścic, jakija traplajuć u nos i rot, tamu čałaviek chvareje nie tak ciažka.
Adnak ciažkaść chvaroby vyznačajecca nie kolkaściu čaścic, a tym, jak daloka virusnyja čaścicy traplajuć u lohkija. Adnarazovyja maski mohuć prapuskać aerazoli, zdolnyja trapić hłyboka ŭ lohkija, što vyklikaje ciažkija vypadki infiekcyi.
Amierykanskija navukoŭcy znajšli inšuju pryčynu, čamu maski mohuć abaraniać ad ciažkich vypadkaŭ kavidu, paviedamlaje The Economist.
Adna z najvažniejšych achoŭ arhanizma ad virusa ažyćciaŭlajecca z dapamohaj miechanizmu, viadomaha ŭ miedycynie jak mukacylijarny klirens. Lipkaja śliź u nosie i dychalnych šlachach zatrymlivaje virusy. Zatym maleńkija vałaski prasoŭvajuć hetu śliź u horła, a paśla virus źniščajuć straŭnikavyja kisłoty. Adnak hety praces mahčymy pry dastatkovaj vilhotnaści adpaviednych orhanaŭ.
Zimoj, kali pavietra stanovicca bolš chałodnym, jaho zdolnaść utrymlivać vilhać źnižajecca. Tamu bolš nizkaja vilhotnaść vysušvaje dychalnyja šlachi, i hety achoŭny miechanizm nie pracuje. Mienavita tamu mnohija virusy bolš raspaŭsiudžanyja zimoj.
Adnak maski dapamahajuć zachavać vilhotnaść. Kali čałaviek u mascy vydychaje, to vadzianaja para zastajecca na ŭnutranym baku maski. Zatym suchoje pavietra padčas udychu źbiraje hetu vadkaść i viartaje ŭ dychalnyja šlachi i lohkija. Heta i daje imunnaj sistemie čałavieka značnuju pieravahu.
U archivach SBU znajšlisia dakumienty, jak savieckija śpiecsłužby zavierbavali emisara AUN, ale ŭkrainskaje padpolle heta vykryła i zabiła zdradnika88
Kamientary