Krychu bolš za miesiac zastajecca da 25 Sakavika, hadaviny abviaščeńnie niezaležnaści Biełaruskaj narodnaj respublikaj.
Tradycyjna ŭ hety dzień adznačajecca Dzień Voli, prachodziać vuličnyja akcyi pad bieł-čyrvona-biełymi ściahami.
U siońniašnich umovach, kali mnohija palityki apynulisia za kratami, a inšyja ŭ emihracyi, ci budzie niechta padavać zajaŭku na praviadzieńnie Dnia Voli? Akazvajecca, praca ŭžo viadziecca. Arhanizacyi i ludzi, zacikaŭlenyja ŭ śviatkavańni 25 Sakavika, sustrakalisia na minułym tydni.
«Ciapier idzie abmierkavańnie pa farmacie i pa mahčymym udziele. Spravy ruchajucca ciažka, ale nie vyklučaju, što ŭsio moža atrymacca», — skazaŭ «NN» lidar BSDP Ihar Barysaŭ.
U svaju čarhu Ryhor Kastusioŭ ad imia hramadskaj arhanizacyi BNF «Adradžeńnie» ŭžo pačaŭ pieramovy z uładami dla praviadzieńnia mierapryjemstva. Sprava ŭ tym, što, u adpaviednaści z novymi praviłami, pierad tym jak padać zajavu ŭ Minharvykankam, treba zaklučyć damovy z chutkaj dapamohaj i kamunalnymi słužbami.
«Z chutkaj damova ŭžo isnuje. Spadziajomsia, što chutka buduć i dźvie astatnija», — kaža Ryhor Kastusioŭ.
Kali BNF «Adradžeńnie» spravicca z hetym etapam, to tady ŭžo i budzie razhladacca pytańnie, chto jašče padpišacca pad zajaŭkaj da Minharvykankama.
Dzie ž projdzie mierapryjemstva? Ryhor Kastusioŭ kaža, što pakul havaryć pra heta rana. Z našych krynic stała viadoma, što apazicyja zhodnaja na lubuju placoŭku ŭ centry Minska ź ćviordym pakryćciom, bo pieražyvaje, što da toj pary jašče nie sydzie ŭvieś śnieh i miesca pieratvorycca ŭ brud.
U 2018 hodzie, na stahodździe BNR, śviatkavańnie prajšło la Opiernaha teatra ŭ Minsku, u 2019 — častkova ŭ Hrodnie, a častkova ŭ Kijeŭskim skviery ŭ Minsku, u 2020 hodzie praz pandemiju karanavirusa Dzień Voli nie adznačaŭsia vuličnymi akcyjami.
Ciapier čytajuć
«Jana nie vyhladała ščyraj, była ŭ mascy». Paŭlučenka pra sustreču Kaleśnikavaj ź biełaruskimi žurnalistami22
Kamientary