Franak Viačorka, daradca Śviatłany Cichanoŭskaj, u intervju «Našaj Nivie» akreśliŭ piać pamyłak i niedapracovak lidaraŭ apazicyi paśla prezidenckich vybaraŭ — 2020:
1. My rabili mała mocnych palityčnych krokaŭ. Pad ciskam abstraktnaj hramadskaj dumki, kab usich zadavolić, źmiakčali niešta, nie daciskali. Byŭ mocny ŭltymatum i marš paśla. Kožny miesiac my rabili niejkaje mocnaje dziejańnie — Narodnaja inaŭhuracyja, Narodny ŭltymatum, Narodny trybunał. Heta fajna, ale hetaha mała. Ludziam važna, kab my paznačali kirunak, viektar. Heta daje mahčymaść kansalidavacca i bić u adnu kropku. Paśla troch miesiacaŭ pratestu, mahčyma, my pierastali paznavać hetyja kropki, i ludziam stała bolš składana pa ich bić.
2. My nie zmahli dabicca raskołu elit. Biezumoŭna, praces zapuščany, heta adčuvajecca pa kolkaści źlivaŭ z taho boku.
3. Mahčyma, byli małarašučyja ŭvosień. Tady, na ŭzdymie maršaŭ, varta było abviaščać ab stvareńni narodnaha ruchu, kali byŭ vialiki ŭzdym u ludziej. Ciapier hetym rucham stali dvary, ale im było b praściej, kab abvieščana było ŭsio raniej.
4. Pravał ź biaśpiekaj ludziej na maršach, nie było družyny. Nie ŭratavali ludziej. Mnohija trapili za kraty. Niekalki razoŭ aryštoŭvali aparaturu.
5. Na mižnarodnym froncie pryniatyja sankcyi — słabyja, chacia jašče pašyracca.
Intervju całkam. Franak Viačorka: «Łukašenka doŭha ŭtrymlivać situacyju nie zmoža, jon pojdzie na sastupki»
Ciapier čytajuć
«Kibierpartyzanaŭ» krytykujuć za ŭzłom sajta Nacbiblijateki — bo ciapier nie pracuje katałoh. Tyja adkazali15
Kamientary