Salistu «Biełaruskich pieśniaroŭ» Valeryju Dajnieku zabaranili ŭjezd va Ukrainu za naviedvańnie Kryma
U punkcie propusku «Baryspal» u niadzielu supracoŭniki Dziaržaŭnaj pamiežnaj słužby Ukrainy vyjavili hramadzianina Biełarusi, jaki niezakonna naviedaŭ Krym.
Miarkujučy pa videa, heta eks-udzielnik «Pieśniaroŭ», salist hurta «Biełaruskija pieśniary» Valeryj Dajnieka.
Pamiežnaja słužba vyjaviła, što jon letam 2020 hoda niezakonna, parušajučy paradak ujezdu na časova akupavanuju terytoryju Ukrainy i vyjezdu ź jaje, naviedaŭ paŭvostraŭ.
Śpiavak paćvierdziŭ, što dabiraŭsia da Kryma samalotam dla ŭdziełu ŭ žury fiestyvalu.
«Za parušeńnie ŭkrainskaha zakanadaŭstva pamiežniki zabaranili hramadzianinu Biełarusi ŭjezd u našu krainu terminam na 3 hady. Biełarus vylecieŭ rejsam u Minsk», — havorycca ŭ paviedamleńni pamiežnaj słužby.
Kamientary