U Homieli čarhovy aryšt za navahodni karahod u lesie — hetym razam u IČU źmiaścili nastaŭnicu
Viečaram 6 studzienia milicyja zatrymała ŭ Homieli nastaŭnicu adnoj sa škoł. Doma ŭ jaje milicyja praviała «ahlad pamiaškańnia». Paśla 57-hadovuju nastaŭnicu źmiaścili ŭ izalatar časovaha ŭtrymańnia na niapeŭny termin, piša «Radyjo Svaboda».
Pra pryčyny zatrymańnia milicyja nie havoryć. «Mahčyma, jana ŭdzielničała ŭ navahodnim karahodzie ŭ lesie, udzielnikaŭ jakoha ciapier łović pa Homieli milicyja. Inšych pryčyn my nie bačym», — zaznačyli siabry nastaŭnicy.
Viečaram 6 studzienia nastaŭnica vyjšła z padjezda — išła ŭ carkvu na słužbu, ale była zatrymanaja milicyjaj.
25 śniežnia žychary Homiela zładzili ŭ lesie navahodni piknik. Jany prybrali jalinku, palili vohnišča, smažyli sała i vadzili karahod. Na jalincy byli arkušy z nadpisami «Pacuk, uciakaj!» i «Novy hod biez pacuka». Niekatoryja z udzielnikaŭ trymali bieł-čyrvona-biełyja ściahi.
Videa z karahoda źjaviłasia ŭ telehram-kanałach.
5 studzienia milicyja zatrymała adnu z udzielnic karahoda, zatym — jašče adnu, 59-hadovuju piensijanierku Ału. Jaje abvinavacili va ŭdziele ŭ niesankcyjanavanym mitynhu. Tak milicyja i sud rascanili karahod u lesie vakoł jalinki.
Ciapier čytajuć
Siamju ź dziciom nie puścili jeści ŭnutry kaviarni picu navynas. «Haraž» apraŭdvajecca, internet spračajecca9
Siamju ź dziciom nie puścili jeści ŭnutry kaviarni picu navynas. «Haraž» apraŭdvajecca, internet spračajecca
Biełaruskija abrady, arnamienty i biełaruskaja mova paŭsiul. Jak naščadak pierasialencaŭ zrabiŭ siało kala Bajkała znoŭ biełaruskim, i čamu heta moža chutka skončycca1313
Kamientary