Žurnalistcy Kaciarynie Andrejevaj admovili ŭ spatkańni z mužam
Kaciarynie Andrejevaj admovili ŭ spatkańni z mužam. Adpaviednuju pastanovu za podpisam starejšaha śledčaha Frunzienskaha RASK Ihara Kuryłoviča atrymaŭ muž Kaciaryny, žurnalist Ihar Iljaš. Śledčy tłumačyć admovu ŭ spatkańni tym, što Kaciaryna niby «moža schavacca ad orhanu kryminalnaha pieraśledu i suda», paviedamlaje Biełsat.
«Liču pastanovu Kuryłoviča nieabhruntavanaj, a matyvavalnuju častku hetaj pastanovy — pazbaŭlenaj usialakaha sensu. U svaim chadajnictvie ja prasiŭ nie ab źmienie miery strymańnia dla Kaci, a tolki ab spatkańni», — kamientuje situacyju Ihar.
Taksama Frunzienski RASK admoviŭsia viartać techniku, što ŭ Ihara Iljaša kanfiskavali padčas zatrymańnia va ŭłasnaj kvatery 24 listapada. Tady žurnalista pakarali 15 sodniami aryštu. Adnačasova na hruncie pastanovy ab aryšcie majomaści Kaciaryny Andrejevaj u jaho zabrali asabistuju techniku — u tym liku dva telefony i noŭtbuk. Śledčy Kuryłovič admoviŭsia viartać techniku, bo pradmiety byli pryznanyja «rečavymi dokazami» ŭ spravie žurnalistak «Biełsatu» Kaciaryny Andrejevaj i Darji Čulcovaj.
Kamientary