Prafsajuzy majuć namier padać zvaroty ŭ mižnarodnyja instancyi suprać dziejańniaŭ Jeŭrasajuza. Ab hetym zajaviŭ staršynia Fiederacyi prafsajuzaŭ Biełarusi Michaił Orda, kamiencirujučy rašeńni Jeŭrapiejskaha sajuza ab uviadzieńni ekanamičnych sankcyj suprać asobnych biełaruskich pradpryjemstvaŭ, paviedamlaje BiełTA.
«Toje, što siońnia robić Jeŭrasajuz, — heta faktyčna dziejańni, jakija naniasuć uron prostym biełarusam. Pakolki ŭ vyniku ŭviedzienych ekanamičnych sankcyj pacierpiać u pieršuju čarhu radavyja rabotniki pradpryjemstvaŭ, — skazaŭ Michaił Orda. — My majem namier padać zvaroty ŭ mižnarodnyja instancyi suprać dziejańniaŭ Jeŭrasajuza. Pakolki parušajucca pravy prostych biełarusaŭ. Heta prava na pracu, a značyć i prava na dastojny ŭzrovień žyćcia. Pryčym vidać dvajnyja standarty. Z adnaho boku, Jeŭrasajuz prapavieduje hałoŭnaj kaštoŭnaściu pravy čałavieka, u tym liku asnovatvornaje prava čałavieka na pracu, ź inšaha boku, prymaje rašeńni, jakija abmiažoŭvajuć takoje prava. I heta pry tym, što Arhanizacyjaj Abjadnanych Nacyj pryznana, što sankcyi amal zaŭsiody akazvajuć surjoznaje ŭździejańnie na ekanamičnyja intaresy zvyčajnych ludziej i ŭščamlajuć prava na pracu. Bolš taho, u 2019 hodzie śpiecyjalny dakładčyk AAN u hetaj śfiery padkreśliŭ, što vykarystańnie ekanamičnych sankcyj u palityčnych metach źjaŭlajecca parušeńniem pravoŭ čałavieka i padryvaje asnovy mižnarodnaha supracoŭnictva».
Pavodle słoŭ staršyni FPB, zavody i arhanizacyi mohuć być pastaŭleny ŭ takija ŭmovy, što vymušany buduć abmiežavać svaju dziejnaść. A značyć źnizicca dachod rabotnikaŭ, mahčymy skaračeńni.
Ciapier čytajuć
Siońnia Minsk pračnuŭsia ŭnačy ad hučnaha huka, padobnaha da drona9
Siońnia Minsk pračnuŭsia ŭnačy ad hučnaha huka, padobnaha da drona
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj33
Kamientary