Pra heta Łukašenka zajaviŭ u balnicy ŭ Stoŭbcach, kamientujučy rašeńnie Mižnarodnaha alimpijskaha kamiteta ab zabaronie na ŭdzieł u Alimpijadzie amal usim členam Vykankama NAK, a taksama prypynieńni finansavańnia kamiteta.
Jon, u pryvatnaści, zhadaŭ rašeńnie MAK 2016 hoda ab časovym adchileńni Paralimpijskaha kamiteta Rasii ad udziełu ŭ Paralimpijadzie ŭ Brazilii.
«Pamiatajecie, jany kaliści suprać Rasii ŭsim frontam pajšli? Amierykancy kryknuli «fas», i jany papierli. Pahladzim, ci padtrymaje nas Rasija», — cytuje słovy Łukašenki jaho pres-słužba.
Łukašenka siońnia taksama zajaviŭ, što treba źviarnucca ŭ sud. «Chaj Bach [Tomas Bach, kiraŭnik MAK] i banda raskažuć, u čym maja vina, što ja svaju krainu abaraniaju?! Nu dyk vy mianie padtrymlivajecie ŭ hetaj palitycy ŭ pieravažnaj bolšaści, i ja abaraniaju svaju krainu. Ja abaraniaju vas. Za što ž mianie karać, kab ja nie prymaŭ udziełu ŭ jakich-niebudź mierapryjemstvach… Dy ja 25 hadoŭ nie prymaŭ u ich udziełu, pieražyvu i dalej! Ale navošta ž vy tak robicie? I potym, vy što, sabrali Mižnarodny alimpijski kamitet, usie krainy, sotniu ź lišnim, abmierkavali hetuju temu? Bajacca z-za kavidu vysunuć nos z nary!»
«Dobra ja, pieražyvu. Ale dziaciej navošta vy čapajecie?! — pradoŭžyŭ Łukašenka. — Nu jakija jany ŭviali sankcyi? Nie zaprašać na mierapryjemstva? Ja 25 hadoŭ da vas nie jeździŭ i vytrymaju, nie pajedu. Mianie bolš za ŭsio začapiła — dzieci. Absalutna biespadstaŭna».
Stali viadomyja padrabiaznaści pra trahiedyju ŭ Połackim manastyry16
Stali viadomyja padrabiaznaści pra trahiedyju ŭ Połackim manastyry
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary