
Čempijonka śvietu i Jeŭropy pa lohkaj atletycy Maryna Arzamasava paviedamiła ŭ instahramie, što vymušanaja prypynić vystupy. Jana atrymała vyniki rasśledavańnia pa prymianieńni dopinhu.
«Siabry, sa škadavańniem paviedamlaju. Ja vymušanaja spynić svaju prafiesijnuju dziejnaść na doŭhi čas. Antydopinhavaje raźbiralnictva skončyłasia, i na žal, nie na maju karyść. Athletic Integrity Unit apublikuje hetuju infarmacyju ŭ najbližejšy čas.
My praviali vialikuju pracu pa zbory dokazaŭ, ale, na dumku ekśpiertaŭ, maje dovady byli nie pierakanaŭčyja.
Na žal, nie zaŭsiody ŭ składzie BADaŭ paznačany ŭsie rečyvy, jakija źmiaščajucca ŭ im. Što nie zdymaje majoj adkaznaści, ale prymušaje zadumacca. Analizy preparataŭ spartyŭnaha charčavańnia ŭ troch łabaratoryjach paćvierdzili najaŭnaść zabaronienaha rečyva. Ale na dumku ekśpiertaŭ i advakata taho boku, heta nie źjaŭlajecca dokazam majho nienaŭmysnaha pryjomu. Ja abaviazkova pasprabuju apublikavać śpis hetych dabavak dla taho, kab papiaredzić inšych spartsmienaŭ ab niebiaśpiecy i nie dać im patrapić u maju situacyju (spačatku prakansultujusia ź jurystami).
Usio rasśledavańnie doŭžyłasia hod i čatyry miesiacy i kaštavała šmat tysiač jeŭra. Plus usie maje niervy, ślozy i chvaroby z hetaj nahody. Ja akazałasia całkam złamanaja apošnija miesiacy, kali pryjšło paviedamleńnie ab tym, što maje dokazy nie majuć značeńnia. Z-za hetaha ŭnutranaha złomu ja nie zmahła adstajać svaju vartaść, paddałasia cisku.
Usie padziei apošnich miesiacaŭ u maim žyćci — heta čarada niejkich impulsiŭnych dumak i dziejańniaŭ. Ja ŭvieś čas čahości bajałasia. A siońnia ja zvalniajusia z vojska, ale radujusia bolš čym 20-ci hadam sportu, jakija ničym nie zamianić.
Ja ŭžo žyvu z hetym vierdyktam 5 dzion: dastatkova, kab trymacca na ludziach. Ale bolš mianie heta nie złomić. Ja prymaju taki varyjant raźvićcia padziej. Adkidaju svaju ŭvahu sa svaich trenirovak na pracu.
Za hetyja miesiacy vialikaja kolkaść niezadavolenych kamientaroŭ mianie zahartavała, viadoma. Ale prašu vas, nie sudzicie zusim žorstka, mnie ciapier i tak vielmi nie prosta», — napisała Arzamasava.
Pryčynaj dyskvalifikacyi Maryny Arzamasavaj stała najaŭnaść rečyva LGD-4033 u jaje arhaniźmie. Jano trapiła ŭ arhanizm biełaruski praź bijaaktyŭnuju dabaŭku, na ŭpakoŭcy jakoj nie było pakazana najaŭnaść hetaha składnika.
Były staršynia Biełaruskaj fiederacyi lohkaj atletyki Vadzim Dzieviatoŭski, kamientujučy raniej hety vypadak, zajaŭlaŭ, što nie vieryć u vinavataść Maryny Arzamasavaj.
U žniŭni lohkaatletka padpisała list suprać hvałtu i falsifikacyj, ale zatym pad ciskam adklikała svoj podpis. Što, zrešty, nie dapamahło joj zachavać pracu, jakoj Arzamasava pazbaviłasia 19 listapada.
Ciapier čytajuć
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje

«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć

U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes

Kamientary