Dźvium doktarkam-ankołaham, zatrymanym na Žanočym maršy, prysudzili pa 11 sutak
12 vieraśnia miedykaŭ Anhielinu Adamonis i Valancinu Charytonavu zatrymali na žanočym maršy, a paźniej asudzili kožnuju na 11 sutak, paviedamlaje «Jeŭraradyjo».
Anhielina Adamonis — cytahienetyk RNPC dziciačaj ankałohii, śpiecyjalist u halinie spadčynnych zachvorvańniaŭ i patałohij.
«Jany pavinny zajmacca lačeńniem dziaciej, a nie siadzieć u kamierach, — aburajecca jaje brat Alaksandr. — Ich zatrymali ŭ samym pačatku maršu. Jany padyšli ŭ rajon stancyi mietro «Hrušaŭka» i praz 15 chvilin apynulisia ŭ aŭtazaku. Dziaŭčat akružyli siłaviki i stali «vydzirać». Anhielina skazała, što zatrymańnie było žorstkaje, ale ŭ aŭtazaku nie bili».
Paśla zatrymańnia Anhielina i Valancina praviali dvoje sutak u minskim izalatary na zavułku Akreścina. 14 vieraśnia ich sudzili za ŭdzieł u niesankcyjanavanym masavym mierapryjemstvie i pakarali 11 sutkami administracyjnaha aryštu. Zatym pieravieźli ź Minska ŭ Žodzina.
«Anhielina padpisała pratakoł. Valancina nie padpisała, vyklikała advakata. Ale abiedźvium dali pa 11 sutak. Ja padaŭ skarhu na pierahlad prysudu, paprasiŭ, kab u RNPC napisali ad imia dyrektara chadajnictva, što dziaŭčaty pracujuć u centry — adzinym takim u krainie», — paviedamiŭ Alaksandr Adamonis.
Anhielina i Valancina pavinny vyjści ź izalatara 23 vieraśnia.
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie36
Kamientary