Zatrymali zvolnienych za svaje vykazvańni z telebačańnia Dzianisa Dudzinskaha i Dźmitryja Kachno
U Minsku zatrymanyja šoŭmieny i viadučyja Dzianis Dudzinski i Dźmitryj Kachno. Pryčyny zatrymańnia, a taksama što za siłavyja viedamstvy da hetaha datyčnyja — pakul nieviadoma, piša Tut.by.
Što Dzianis Dudzinski zatrymany, nam paćvierdziła krynica. Abstaviny zdareńnia jana nie paviedamiła.
Što tyčycca Dźmitryja Kachno, to jaho zatrymali, kali jon vychodziŭ z padjezda i siadaŭ u mašynu: «Padjechaŭ čorny mikraaŭtobus, vybieh atrad u poŭnym abmundziravańni, mamu pakinuli, a Dźmitryja zaciahnuli ŭ bus».
Viadučy telepieradačy «Udača ŭ prydaču» na telekanale ANT Dźmitryj Kachno zastaŭsia biez efiraŭ paśla emacyjnaha pasta ŭ sacyjalnych sietkach z nahody zatrymańniaŭ kala kramy Symbal.by. Paźniej jon źviarnuŭsia z adkrytym listom da kaleh, jakija jašče pracujuć na biełaruskim telebačańni. Tych, chto «nie moža narmalna spać pa načach», šoŭmien zaklikaŭ «zrabić krok, biez skandałaŭ i hučnych zajaŭ», heta značyć zvolnicca. Dźmitryj paabiacaŭ, što asabista zastupicca za kožnaha ź ich.
Dudzinski taksama paciarpieŭ z-za adkrytaha vykazvańnia svajho mierkavańnia. Paśla pasta Dzianisa ab zatrymańniach kala kramy Symbal.by stała viadoma, što jon z žonkaj Kaciarynaj Rajeckaj adchileny ad viadzieńnia «Słavianskaha bazaru». Paźniej stała viadoma, što jaho zvolnili z BT.
Nahadajem, 1 vieraśnia, naviedvajučy Baranavičy, Łukašenka prakamientavaŭ situacyju sychodu žurnalistaŭ ź dziaržaŭnych ŚMI. Jon zajaviŭ, što jany «chajpanuli» na situacyi. Na jahonuju dumku, žurnalisty zahadzia pryniali pastanovu pakinuć svaje telekanały i prosta čakali momantu, kab viarnucca ŭžo na nahretyja miescy.
— I nie treba prydumlać, što pajšła niejkaja chvala — kahości pakryŭdzili, kahości źbili. Nie ŭ hetym sprava. Jany daŭno viedali, što treba rabić. Chaj robiać, my im dali svabodu, — zajaviŭ Łukašenka.
Ciapier čytajuć
Ich Zareckaja: deputat-jabaćka Aleh Navicki kinuŭ biełaruskich inviestaraŭ na miljony dalaraŭ. Detali schiemy1
Kamientary